ރައީސް މައުމޫނަކީ ކާފިރެކެވެ. ގާނޫނުލް ޢުގޫބާތު ފާސް ކުރުމަށް ރައްޔިތުންގެ މަޖިލީހުގައި މީހަކު އުފުލާ އަތަކުން އެއީ ކާފިރެއްކަން ނުވަތަ މުސްލިމެއް ކަން އެނގޭނެއެވެ.

މިއީ ދިވެހި ރާއްޖޭގެ ސިޔާސީ ޕާޓީތަކުގެ ތެރެއިން އެންމެ އަޑުގަދަ އެއް ޕާޓީގެ ބަސްމަގު ހުންނަ ގޮތެވެ. ހެއްވާ ކަމެކެވެ. މީހަކު މުސްލިމަކަށް ވާގޮތާ ކާފިރު ވާގޮތާ މިއީ ޢާދާލަތު ޕާޓިގެ މީހުން ބޭނުން ގޮތަކަށް ކަނޑަ އަޅަން ﷲ ދޫ ކުރައްވައިފައި އޮތް ކަމެއްހެއްޔެވެ. ނޫނެކެވެ. ދީނީ ނަމެއް ކިޔާފައި ޕާޓި ހެދި ކަމުގައި ވިޔަސް މިވެނި މީހަކީ ކާފިރެކޭ އެވެނި ގޮތަކަށް އަތް އުފުލާލާ މީހަކީ މުސްލިމެއް ނޫނޭ ބުނުމުގެ ޙައްގެއް މިމީހުނަކަށް ލިބިގެނެއްނުވެއެވެ.

ކޮންމެއަކަސް މިއަދު ދިވެހި ރާއްޖޭގައި ވެރިކަން ކުރަމުން މިދާ ރައީސް މުހަންމަދު ނަޝީދުގެ ޕާޓީ އެމްޑީޕީ އާ އެކު ހަދާފައިވާ އެގްރިމެންޓެއްގެ ދަށުން ސަރުކާރުގެ އިސްލާމީ ކަންތައް ތައް ބެލެހެއްޓުމަށް ހަމަ ޖެހިފައި ވަނީ ޢަދާލަތު ޕާޓިއާއެވެ. މިގޮތުން ރައީސް ނަޝީދު ސިއްރާއި ފައުޅުގައި ކުރައްވާދީނާ ޚިލާފު ޢަމަލެއްނަމަ އެ ޢަމަލެއްގެ ޒިންމާ ނަގަން ޖެހިފައިވާ ބަޔަކީ ވެސް ހަމަ މިބައި މީހުން ފިޔަވައި އެހެން ބަޔެއް ނޫނެވެ. އެހެން ކަމުން ސަރުކާރުން ކުރާ ލާ ދީނީ ކަންތައް ނޭނގޭ ކަމަށް ހަދާފައި އެމީހުނަށް ލިބިފައިވާ މިނިސްޓްރީގައި ވެރިކަން ކޮށްލަ ކޮށްލާ ތިބެނީ ހަގީގަތުގައި ލިބިފައި ހުރި ކަމަށް ބުނާ ދީނީ އިލްމު ސިޔާސީ މަގާމާއި ދުނިޔަވީ ޖާހަށްޓަކައި ގުރުބާން ކޮށްލާފައެވެ. މިގޮތުން ދީނުގައި ޙަރާމް ކަންތައް ހުއްދަ ވާފަދަ ބައެއް ފަތުވާ ވެސް މި މިނިސްޓްރީގެ ތެރެއިން ނުކުމެފައި އެބަ ހުއްޓެވެ.މިސާލެއްގެ ގޮތުން ވަރަށް ކުޑަ ކުޑަ ޕޮއިންޓެއް މިތަގައި ފާހަގަ ކޮށްލަމެވެ. މާލޭގެ ހޮޓާ ތަކުގައި ރާ ވިއްކުމަކީ ރަނގަޅު ކަމެއް ނޫން ކަމަށް ދާދި ފަހުން އެ މިނިސްޓްރީން ނެރުނު ފަތުވާ އަކީ މިފަދަ ތާކުން ތާކު ުޖެހޭ ހެއްވާ ފަތުވާއެކެވެ. އިސްލާމް ދީނުގައި ރާވިއްކުން ވަކި ތަނެއްގައި ހުއްދަވެފައި ވަކި ތަނެއްގައި މަނާ ކުރެވޭ ގޮތަކަށް ކަނޑަ އެޅިފައެއް ނޯވެއެވެ. އެހެން ކަމުން މިބަވަތުގެ ހެއްވާ ބަޔާން ތައް ނެރެ ރައީސް ނަޝީދުގެ، ކްރިސްޓިޔަން މިޝަނަރީންނަށް ގައުމު ވިއްކާލުމުގެ ޕްލޭނުގައި ބައިވެރި ވަމުން ދިޔުމަކީ ޢަދާލަތު ޕާޓިގެ ދެފުށް ދެގޮތް ސިޔާސަތު ހާމަވެގެންދާ ކަމެކެވެ. މީގެ އިތުރުން ޒިނޭގެ ހުކުމް ތަންފީޒު ކުރުމަށް ހަޖޫޖަހައި ރައީސް އޮފީހުން ދެއްކި ވާހަކަޔަށް މިޕާޓިން ދިން ބީރު ކަންފަތާއި ރައީސް ނަޝީދު ނޫސް ވެރިންގެ ކުރިމަތީގައި ރާފޮދު ހިއްޕެވުމުން އެކަމާ އަޅާ ލާމީހުނަށް އިންޒާރު ދިނުންފަދަ ކަންތައްތަކަކީދެފުށް ދެގޮތް ސިޔާސަތުގެ  ފާހަގަ ކޮށްލެވޭ ޕޮއިންޓް ތަކެވެ.

ވެރިކަމާ ގަދަރާ ޢިއްޒަތަށްޓަކައި ކިތަންމެ މަރު ދިން ކަމުގައި ވިޔަސް ފާޅު ކަން ބޮޑު ގޮތެއްގައި ރައީސް ނަޝީދުގެ ސަރުކާރުން ހިންގަމުން ގެންދާ ލާދީނީ ޢަމަލުތަކާ ރައްޔިތުންގެ ކުރިމަތީގައި އަޅާ ނުލާ ތިބުމަކީ ޢަދާލަތު ޕާޓީއަށް ވެސް މިހާރު ވަނީ މާ ފަސޭހަ ކަމަކަށް ނުވެފައެވެ. ދިވެހި ރާއްޖޭގައި މަރަށް މަރު ހިފުން ފަދަ ހުކުމް ތަންފީޒު ނުކުރައްވާނެ ކަމުގައި ރައީސް ނަޝީދު ރޭޑިޔޯ މެދުވެރި ކުރައްވައި ވިދާޅުވި ވިދާޅުވުންވީ، ދީނުގެ ނަން ފިޔަވައި ސިޔާސީ ގޮތުން އެއްވެސް އުރައްޕެއް ނެތް މިޕާޓީއަށް، އެކަމާ އަލާނުލާ އޮވެވޭ ވަރުގެ މކަމަކަށް ނޫނެވެ. އެމީހުން ރައްޔިތުންގެ ލޮލުގައި އަޅުވަމުން ގެންދާ ދީނީ އަނދުނަށް ތަޣައްޔަރު ކަމެއް އަޔަ ނުދިނުމަށްޓަކައި ނަމަވެސް މިކަމާ ދެކޮޅަށް ބަހެއް ބުނެލުމަށް މަޖުބޫރު ވިއެވެ. އެހެން ކަމުން ބޮޑު ޖަލްސާއެއް ބާއްވައިފައި ބުނެލެވުނީ ރައީސް ނަޝީދު އެގޮތަށް ވިސްނަވާނަމަ އެކަމާ އެބޭފުޅުން ހިތާމަ ކުރައްވާ ކަމުގައވެ. ހެއްވާ ކަމަކީ ރައީސް ނަޝީދުގެ އަޑުފުޅުން ރޭޑިޔޯ މެދުވެރި ކުރައްވައި ދިވެހި ރައްޔިތުންގެ ކުރިމަތީގައި މިކަމަކީ ކުރަން ތިމަންނަޔަށް ފެނިވަޑައިގަންނަވާ ކަމެއް ނޫނޭ ވިދާޅުވި އިރުވެސް ޢަދާލަތަށް އެމަނިކުފާނު އެގޮތަށް ވިސްނަވާ ކަމާ ދޭތެރޭ ހަމަ އެކަނި ވެލަނީ ޝައްކެކެވެ. ޔަގީނެއް ނޫނެވެ. ޢަދާލަތުގެ ރައީސް ކަމުގައި ވާ މީހުންގެ އިސްލާމް ވަންތަކަން ކަނޑައަޅާ ޙާކިމު ވިދާޅުވަނީ ގާނޫނުލް ޢގޫބާތު ގެވޯޓުގައި މީހާ އަތް އުފުލާ ލާ ގޮތަކުން އެއީ މުސްލިމެއްކަން ނުވަތަ ކާފިރެއްކަން އޭނާޔަށް އެނގި ވަޑައިގަންނަވާނެކަމުގައެވެ. ހެއްވާ ކަމަކީ ރައީސް ނަޝީދު މިހުކުމްތަކާ ދެކޮޅާށް ކަނޑައެޅިގެން އަޑު އުފުއްލެވި އިރުވެސް އެމަނިކުފާނުގެ އިސްލާމެއް ކަން ނުވަތަ ކާފިރެއްކަން މިބޭފުޅާޔަށް އެނގި ވަޑައި ނުގެންނެވި ކަމެވެ.

 ސަހަރޯ އެވެ. ހުސޭން ރަޝީދެވެ. ދުނިޔޭގެ ޖާހަށް ހެއްލުނަސް ކިޔޭ ނުކިޔޭ އެއްޗެހި ވަޒަން ކުރެވޭ ވަރަށް ހަމަ ހޭގައި ތިއްބަވާށެވެ. ނިކަން ހިތްވަރެއް ހުރިއްޔާ ރައީސް ނަށީދުގެ ލާ ދީނީ ޢަމަލުތަކަށް ނުރުހުން ފާޅުކޮށް، އެމަނިކުފާނުގެ ނިވާ ފަށްގަނޑެއްގެ ގޮތުގައި ތިބޭފުޅުންނަށް ދެއްވި މިނިސްޓްރީއިން ނިކުމެ ވަޑައިގެން ބައްލަވާށެވެ.  އެއިރުން ދިވެހި ރައްޔިތުންގެ ކުރިމަތީގައި ވެއްޓިފައިވާ ތިޔަބައިމީހުންގެ އަބުރު ފަހަރެއްގައި އަނބުރާ ގެނެވިދާނެއެވެ. ރައީސް ނަޝީދުގެ ބައިވެރިން މިހާރު އެގޮވާލަނީ ރާއްޖޭގައި އެއްޖިންސުގެ މީހުންގެ ގުޅުން ހުއްދަ ކުރުމަށެވެ. މިކަން ކާމިޔާބުވާ ދުވަހަކުން ފިރިހެނުނަނާއި ފިރިހެނުން، އަންހެނުން ނާއި އަންހެނުން، ކައިވެނި ކޮށް ދެއްވަން މަޖީދާއި ޝަހީމު ވެސް ވަޑައިގަންނަވަން ޖެހިދާނެއެވެ. އެއިގެ ކުރީގައި ސަލާމަތްވެވޭތޯ ބަލާށެވެ. ރައްކާވެ ތިބިއްޔާ ދަތުރެވެ.      

 

 

ގައި ބާރު ހުރި މީހަކު، މީހަކު ހިފާ ހައްޔަރު ކުރިއެވެ. ގުޑާ ނުލެވޭ ގޮތަށް ހަތަރެސް ފައި ބަނދެފައި ބާއްވާފައި އޭނާޔަށް ބޮޑެތި އަނިޔާ ތައް ކުރިއެވެ. މިހިނދު އަނިޔާ ލިބެމުން ދާ މީހާ އަޑުގެ ކޮޅަށް ރޮއިފައި އާދޭސް ކުރެއެވެ.ހެޔޮ ނުވާނެއެވެ. ތިހެން ނަހަދާށެވެ. އަހަންނަށް އަނިޔާ ނުކުރާށެވެ. ދޫނުކުރި ކަމުގައި ވިޔަސް ތަޅާ ނުމަރާށެވެ.

އިސް ވެ ދެންނެވުނު ދެމީހުންގެ ދެމެދުގައި ގުޅުމެއް ނެތް ހެއްޔެވެ. ނޫނެކެވެ. ދެމީހުންގެ ދެމެދުގައި ގުޅުން އެބައޮތެވެ. ވާހަކަ ވެސް އެބަ ދެކެވެއެވެ. އެކަކު ތަޅާ މަރަނީއެވެ. އަނެކަކު އެ އަނިޔާ ތަކުން މިންޖު ކޮށް ދިނުން އެދި އާދޭސް ކުރަނީއެވެ.

ދާދި ފަހުން ދިވެހި ރާއްޖޭގެ އިއްޒަތްތެރި ރައީސުލް ޖުމުހޫރިއްޔާ، ފަލަސްތީނުގެ ބޮޑު ވަޒީރު މަޙުމޫދު އައްބާސަށް ފޯނު ކުރައްވައި ދެއްކެވި ކަމުގައި އަޑު އަރައިގެން ދިޔަވާހަކައިގެ ތެރޭގައި، ރައީސް ނަޝީދު މަހުމޫދު ޢައްބާސް ކުރެން އެއްސެވި ކަމުގައި ވަނީ ތިމަންނަ އިޒުރޭލުގެ ވެރިންގެ ގާތުގައި ބުނެދޭންވީ ކޮން ވާހަކަ އެއްތޯއެވެ. މަހުމޫދު އައްބާސް ވިދާޅު ވިއެވެ. އިޒުރޭލު މީހުން ގާތު އަހަރެމެންނާ ސުލްހައިގެ ވާހަ ތައް ދައްކަން ފަށާށޭ ބުނެދޭށެވެ.

ކުރީގައި ދެންނެވުނު ހިފާހައްޔަރު ކޮށްފައި ވާމީހާ ރޮއި ރޮއިފައި އަނިޔާ ނުކުރަން އެދޭ އެދުމާ މަހުމޫދު ޢައްބާސް ޢިޒުރޭލުގެ ސަރުކާރުގައި އެދޭ އެދުމުގެ މާކަ ބޮޑު ތަފާތެއެ ނެތެވެ. އެހެނަސް މި އަށް ދިވެހި ރާއްޖޭގެ ރައީސް ދެއްވާ ނަމަކީ ސިޔާސީ ގުޅުމެވެ. ފަލަސްތީނާ އިޒުރޭލާ ދެމެދު ވެސް ސިޔާސީ ގުޅުން އެބަ އޮތޭ އެހެން ކަމުން އަހަރެމެން އިޒުރޭލު އެކަހެރި ކުރުމަކީ ހަމަ ޖެހޭ ކަމެއް ނޫނޭ ރައީސް ނަޝީދު ގެންދަވަނީ ވިދާޅު ވަމުންނެވެ.

ރަޢީސް ނަޝީދުގެ ވިސް ނުންފުޅު އެގޮތަށް ހުންނެވި ކަމުގައި ވިޔަސް ދުނިޔޭގެ ގިނަ ބަޔެއްގެ ކުރިމަތީގައި އިޒުރޭލަކީ އަނިޔާވެރި ކަމާއި ލާއިންސާނީކަން ހައްދު ފަހަނަޅައިފައިވާ ގައުމެކެވެ. އެހެން ކަމުން އެފަދަ ގައުމަކާ އެކު ސިޔާސީ ގުޅުން ގާއިމު ކުރުމަކީ އެމީހުން ގެ އެޢަމަލު ތަކުގައި ބައިވެރި ވުމެވެ.

ފަލަސްތީނު ރައްޔިތުންގެ ހައްގުތައް ހޯދައި ދިނުމަށް މަސައްކަތް ކުރާ ތަފާތު ޖަމާއަތްތައް ދުނިޔޭގައި ވެއެވެ. މީގެތެރެއިން ވެސް ފާހަގަ ކޮށްލެވޭ ޖަމާއަތެއްކަމުގައިވާ ފްރީ ގާޒާ ހަރަކާތުގެ އެންމެ އިސް އެކަކު ކަމުގައިވާ އަޑީ މޯމެޗް އާ މިވާހަކަ ހިއްސާ ކޮށްލީމެވެ. އަޑީ އަކީ މީގެ ދުވަސް ކޮޅެއް ކުރިން ކަނޑުމަގުން ގާޒާޔަށް އިންސާނީ އެހީ ހިފައިގެން ދިޔަ ބޯޓުގެ އިސް މީހެއްގެ ގޮތުގައި ގޮސް އިޒުރޭލުގެ ކަނޑުގެ ސިފައިންގެ އަނިޔާގައި ރަނގަޅަށް ޖެހި އެތާގެ ޖަލުގައި އެތައް ދުވަހަކު ހައްޔަރު ކޮށްފައި ބޭއްވުމަށްފަހު ޑީޕޯޓް ކޮށްފައިވާ އިންސާނިއްޔަތަށްޓަކައި މަސައްކަތް ކުރާ މީހެކެވެ.

އަޑީ ބުންޏެވެ. އެއްވެސް ބަޔަކު އިޒުރޭލާ ސިޔާސީ ގުޅުން ބަދަހި ކުރަން އުޅޭނަމަ އޭގެ ފަހަތުގައި އޮންނާނީ އެމެރިކާ އެވެ. އެމީހުންގެ މަޖުބޫރު ކުރުމެވެ. ނުވަތަ އެމީހުންގެ ފަރާތުން ލިބޭނެ އެހީގެ ދަޅައެވެ. އަހަރެން ބުނީމެވެ. އިނގިރޭސި ކޮންޒަވޭޓިވުންގެ އަތެއް މީގައި އޮތުން އެކަށީގެނެއް ނުވޭ ހެއްޔެވެ. އެމީހުންނަކީ އިޒުރޭލާ ވަރަށް ގާތް ގުޅުމެއް އޮންނަ ބަޔެއް ނޫންހޭ އެހުމުން އަޑީ ބުނީ ތީ ހަމަ ވެދާނޭ ގޮތެއް ކަމަށެވެ. މިހެން ބުނެފައި އޭނާ ކުރީ ބޮޑު ސުވާލެކެވެ. އިޒުރޭލާ ގުޅުން ބަދަހި ކުރުމުގައި ދިވެހި ރާއްޖޭގެ ރައީސް ދައްކަވާ ބަހަނާޔަކީ ކޮބާހޭ ކުރި ސުވާލުގެ ޖަވާބު އަހަން ނަށް ދެވުނީ ކިރިޔާއެވެ. ޖެހިގެން ހުރި މޮރޮކޯ އަށް އުފަން އަންހެން ކުއްޖާ އަހަރެންގެ ވާހަކަ މެދު ކަނޑުވާލައިފައި ބުންޏެވެ. ތިޔައީ އާ ވާހަކަ އެއް ނޫނެވެ. އަހަރެމެންގެ ގައުމުގެ ރަސްގެ ފާނުވެސް އިޒުރޭލާ ސިޔާސީ ގުޅުން ގާއިމު ކުރީ ހަމަ ތިޔަ ބަހަނާ ދައްކާފައެވެ. އިޒުރޭލާ ވާހަކަ ދައްކައިގެން ފަލަސްތީނަށް ރަނގަޅު ގޮތްތައް ހޯދައި ދެވޭނެޔޭ ކިޔައިފައެވެ. އެހެނަސް ވީ ކަމެއް އެބަ އޮތް ހެއްޔެވެ. ދެކެވުނު ވާހަކަ އެއް އެބައޮތް ހެއްޔެވެ. ތިޔައީ ހަމަ އެމެރިކާގެ ޕްރޮޕަގެންޑާއެވެ. މިގޮތަށް އޭނާގެ ޚިޔާލު ހުރި ކަމުގައި ވިޔަސް ރައީސް ނަޝީދާ ޚިޔާލު އެއްގޮތް ވާ ވާހަކައެއް ވެސް އޭނާ ބުންނެވެ. އެއީ މި މައްސަލަޔަކީ ދީނީ ކަމެއް ނޫ ނޭ އޭނާވެސް ބުނި ބުނުމެވެ.

ދިވެހި ރާއްޖޭގެ މުސްލިމުން އިޒުރޭލާ ދެކޮޅު ވެރި ވުމުގެ މައިގަނޑު އެއް ސަބަބަކީ އެމީހުންގެ މުސްލިމު އަޚުންނަށް އިޒުރޭލުން ދެމުންގެންދާ އަނިޔާތަކަށް ހިތް ނުރުހުމެވެ. އެހެންކަމުން އިޒުރޭލާ ސިޔާސީ ގުޅުން ގާއިމު ކުރުމަކީ ދީނީ ކަމެއް ނޫން ކަމުގައި ރައީސް ނަޝީދު ގެންދަވަނީ ދިވެހިންގެ ގާތު ވިދާޅުވަމުންނެވެ. އެހެނަސް ރައީސް ނަޝީދު ވިދާޅު ނުވާ ވާހަކައެއް އެއްކަލަ މޮރޮކޯގެ އަންހެން ކުއްޖާ ބުންޏެވެ. އޭނާ ބުނި ގޮތުގައި ފަލަސްތީނުގެ މައްސަލަޔަކީ އިންސާނީ މައްސަލައެކެވެ. އެތާގައި ދިރި އުޅޭ އިންސާނުންގެ އިންސާނީ ހައްގެއް އިޒުރޭލުން ލިބިއެއް ނުދެއެވެ. އަނިޔާ ތަކާ ދުއްތުރާ ދީ މަރާ ހުސް ކުރަމުން ދާއިރު އެމީހުންގެ  އަސާސީ ބޭނުން ތަކަށް ކާނާޔާ ފެނާ ބޭސް ފަދަ ވަސީލަތްތައް ފޯރުކޮށް ދިނުމަށް ވެސް އިޒުރޭލުން އަޅަނީ ހުރަހެވެ.

ވާހަކައިގެ މިހިސާބުން އޭނާ އިޝާރާތް ކުރީ ގާޒާގެ ރައްޔިތުންނަށް ބޭނުންވާ އިންސާނީ އެހީ ހިފައިގެނ ކަނޑުމަގުން އެމީހުން ކުރި، ކުރިން އިޝާރާތް ކުރެވުނު ދަތުރަށެވެ. އެދަތުރުގައި ބައިވެރިވީ ކޮންމެހެން މުސްލިމުންނެއް ނޫނެވެ. އެމެރިކާގެ ޕާލަމެންޓް މެންބަރުންނާ، ރިޕޯޓަރުންނާ، ޑަކްޓަރުންނާ އެނޫނަސް އިނސާނިއްޔަތަށްޓާކައި މަސައްކަތް ކުރާ ގިނަބަޔަކު އެދަތުރުގައި ބައިވެރި ވިއެވެ. އެހެނަސް އެދަތުރު ނިމިގެން ދިޔައީ އެމީހުން ގާޒާގެ ބަނޑަށް ޖެހިފައި ތިބި ރައްޔިތުންނަށް ފޯރު ކޮށް ދޭން އުޅުނު އިންސާނީ އެހީ ފޯރު ކޮށް ނުދެވިއެވެ. ގަވާއިދާ ޚިލާފަށް ބޯޓު ހުއްޓުވައި ބޯޓުން ދަތުރު ކުރި އިންސާނިއްޔަތަށްޓަކައި މަސައްކަތް ކުރާ މީހުން އިޒުރޭލުގެ ޖަލަށް ލައި އެންމެ ފަހުން އެމީހުން ޑީޕޯޓް ކޮށް ލީއެވެ.

މިއީ އިޒުރޭލުގެ އަނިޔާވެރިކަން ލޮލުން ދެކެ އަތުން ހިފާފައި ވާމީހުންގެ ތަޖުރިބާއެވެ. ގާޒާގެ މިނިވަން ކަމަށް ގޮވާލާ އިނގިރޭސި ވިލާތުގެ ޖަމާއަތުގެ އެންމެ އިސް މީހެއްގެ ގޮތުން އަޑީއަށް ލިބިފައިވާ ތަޖުރިބާގެ އަލީގައި އޭނާ ބުނެލީ އެންމެ ވާހަކަ އެކެވެ. ދިވެހި ރާއްޖޭގެ ރައްޔިތުންނަށް އިޒުރޭލުގެ ނުބައި ކަން އަންގައިދޭށެވެ.އެމީހުންނާ އެއްވެސް ބާވަތެއްގެ ގުޅުމެއް ބޭއްވުމަކީ ފަލަސްތީނުގެ ރައްޔިތުންގެ މައްޗަށް އެމީހުން ހިންގާ ޖަރީމާ ތަކުގައި ބައިވެރި ވުމެވެ.

ކަން އޮތީ މިހެން ކަމުގައި ވާއިރު ދިވެހި ރާއްޖޭގެ ފޮރިން މިނިސްޓަރ ޑރ ޝަހީދު ވިދާޅު ވަނީ ދިވެހިންނަށް ރަނގަޅަށް އޮޅުން ފިލުވައި ދީފައި މެނުވީ އިޒުރޭލާ ގުޅުން ގާއިމު ނުކުރާނެކަމުގައެވެ. މިގުޅުމަކީ މިހާރު އެމީހުން ގާއިމު ކޮށްފައިވާ ގުޅުމެއްކަން އެކި ގޮތް ގޮތުން ފަޅާ އަރަމުން ދާއިރުވެސް ރައްޔިތުންގެ ލޮލުގައި އަނދުން އެޅުވުމަށް މިބާވަތުގެ ވާހަކަ ދައްކާއިރު ޑރ ޝަހީދަށް ދިވެހި ރައްޔިތުންނަށް ފަލަސްތީނާ ނުވަތަ އިޒުރޭލާ ބެހޭގޮތުން އިތުރަށް އޮޅުން ފިލުވައި ދެއްވޭނީ ފަހެ ކޮން އެއްޗެއް ބާވައެވެ.     

 

 

 

 

އިންޓަނޭޝަނަލް ސްކޫލް ތައް ހުންނަނީ ކޮން ތާކު؟

ކޮންމެއަކަސް ދިވެހިންނަށް އިންޓަނޭޝަނަލް ސްކޫލު މިވަނީ ވަރަށް މުހިންމު ތަނަކަށް ވެފައެވެ. މިހިސާބުން އުފެދޭ ސުވާލަކީ އިންޓަނޭޝަނަލް ސްކޫލް ދިވެހިންނަށް ދަސްވީ ކޮން ގޮތަކުން ބަވައެވެ. މިސުވާލުގެ ޖަވާބު ވަރަށް ފަސޭހައިން ލިބޭނެއެވެ. އަވަށްޓެރި ސްރީލަންކާޔާއި އިންޑިޔާ އަދި މެލޭޝީޔާގެ އިންޓަނޭޝަނަލް ސްކޫލު ތަކުގައި ދިވެހި ކުދިން ކިޔަވަން ތިބުމަކީ ފަހަކަށް އައިސް ޢާދަޔަކަށް ވަނީ ވެފައެވެ. އެހެންކަމުން ދިވެހިންނަށް އިންޓަނޭޝަނަލް ސްކޫލް ދަސްވެގެން އުޅެނީ އެގައުމު ތަކުން ކަމުގައި ވުމަކީ ވަރަށް ފަސޭހައިން ގަބޫލު ކުރެވިދާނެ ކަމެކެވެ.

ދުނިޔޭގެ ކުރިއަރަފައި ވާ ގައުމުތަކުގައި އިންޓަނޭޝަނަލް ސްކޫލަކީ ހުންނަ އެއްޗެއް ނޫނެވެ. އިންޑިޔާ ސްރީލަންކާ ފަދަގައުމު ތަކުގައި އިންޓަނޭޝަނަލް ސްކޫލް ތައް ހުންނަނީ ކީއްވެގެންތޯ ބަލައިލާ އިރު ފުރަތަމަ ވެސް ކަޅި ހުއްޓެނީ ގައުމުގެ ތަޢުލީމީ ނިޒާމު ބިނާ ވެފައި އޮންނަ ބަހާ އެވެ. މިސާލަކަށް ސްރީ ލަންކާ ނަމަ އެ ބަހަކީ ސިންގަޅަބަސް ނުވަތަ ބައެއް ހިސަބު ތަކުގައި ތަމަޅަ ބަހެވެ. މިއީ އެގައުމުގެ ރަސްމީ ހުރިހާ ސްކޫލް ތަކުގައި ވެސް ކިޔަވަ ދޭ ބަހެވެ. މީގެ އިތުރުން އެގައުމު ތަކުގެ ރަސްމީ ތަޢުލީމު ގެ ނިޒާމުގައި ކިޔަވާ ދޭނީ ގައުމީ މުގައްރަރަކަށެވެ. މި މުގައްރަރު ނިމުމުން ހަދަނީ ގައުމީ އިމްތިހާނެކެވެ. އެ އިމްތިހާނު ހެދުމުން ލިބޭ ސެޓްފިކެޓަކީ ގައުމީ ސެޓްފިކެޓެކެވެ. މީގެ މިސާލަކީ ދިވެހި ރާއްޖޭގައި ކިޔަވާ ދޭ ދިވެހި އިސްލާމް ދެ މައްދާ އެވެ. މި ދެމައްދާ ކިޔަވައިގެން ބައިވެރިވާ އެސްސީ ފަދަ އިމްތިހާނަކީ އެފަދަ އިމްތިހާނެކެވެ. މި އިމްތިހާނުގެ ނަތީޖާ ތަކަކީ ބައިނަލް އަގުވާމީ ޔުނިވަރސިޓި ތަކަށް ވަނނުމުގައި ކްރެޑިޓެއް ލިބޭ އެއްޗެއް ނޫނެވެ. މިހިސާބުން ގައުމުގައި ތިބޭ ބޭރުގެ ޑިޕްލޮމެޓުންނަށް އިންޓަނޭޝަނަލް ސްކޫލު ބޭނުން ވާ ސަބަބު އަޅުގަނޑުމެނަށް އޮޅުން ފިލައެވެ. އާދެ އެއީ ކުރިން ވެސް ދެންނެވުނު ފަދައިން ބައިނަލް އަގުވާމީ ގޮތުން ގަބޫލު ކުރެވޭ ފަދަ ސަނަދެއް ލިބޭ ސްކޫލަކަށް ކުދިން ފޮނުވުމެވެ. މި ސްކޫލު ތަކަށް ގައުމުގެ މުއްސަނދިން ކުދިން ފޮނުވަނީ ވެސް ހަމަ އިސް ވެދެންނެވި ބޭނުމުގައެވެ. މިފަދަ ސްކޫލް ތައް ހިންގުމުގައި އެންމެ މަޝްހޫރު އެއް ގައުމަކީ ތުރުކީ ވިލާތެވެ. ތުރުކީ ވިލާތަކީ ޔޫރަޕް ގައި އޮތް ގައުމަކަށް ވެފައި އެމީހުންގެ އިގުތިސާދަކީ ޔޫރަޕްގެ އެހެން ގައުމު ތަކާ އަޅާ ބަލާއިރު ދަށް އަދި ޔޫރަޕްގެ އެހެން ގައުމު ތަކަށް ވަޒީފާއަށް އެގައުމުގެ ގިނަ ބަޔަކު ދާ ގައުމަކަށް ވުމަކީ ތުރުކީ ވިލާތަށް މިފަދަ ސްކޫލެއް ބޭނުންވާ ސަބަބެވެ.

ދިވެހި ރާއްޖެއަށް އިންޓަނޭޝަނަލް ސްކޫލެއް ބޭނުންވޭތަ؟

އިސްވެ ބަލާލެވުނު މައުލޫމަތު ތަކުގެ އަލީގައި ބަލާލާއިރު ދިވެހި ރައްޖޭގެ ހުރިހާ ސްކޫލް ތަކަކީ ވެސް އިންޓަނޭޝަނަލް ސްކޫލް ތަކެވެ. ދިވެހި ރާއްޖޭގެ ސްކޫލް ތަކުގައި ކިޔަވައިދޭ ބަހަކީ އިނގިރޭސި ބަހެވެ. ސްކޫލް ނިންމުމުން ލިބޭ ސެޓްފިކެޓަކީ އިންޓަނޭޝަންލް ޖެނެރަލް އެޑިޔުކޭޝަން ސެޓްފިކެޓެވެ. ދެން އިތުރަށް ބޭނުން ވަނީ ކޯންޗެއް ބާވައެވެ.

އިންޓަނޭޝަނަލް ސްކޫލާއި ދީން

ދިވެހި ރާއްޖޭގައި ގާއިމު ކުރެވޭ އިންޓަނޭޝަނަލް ސްކޫލް ތަކުން ރާއްޖޭގެ އެހެން ސްކޫލް ތަކުން ކިޔަވައި ނުދޭ މާއްދާއެއް ފަހަރެއްގައި ކޔަވައި ދޭން ޖެހިދާނެއެވެ. އެއީ ދީނެވެ. ދިވެހި ރާއްޖެއަކީ ހަމަ އެކަނި މުސްލިމުން އުޅޭ ގައުމަކަށް ވުމުން ރާއްޖޭގެ ސްކޫލް ތަކުގައި ދީނީ ޢިލްމުގެ ގޮތުން ކިޔަވައިދެނީ ހަމަ އެކަނި އިސްލާމް ދީނެވެ. މިއީ މިސްކޫލް ތަކުގައި ކިޔަވާ ދިވެހި ކުދިންނަށް މަޖުބޫރި މައްދާ އެކެވެ. އެހެނަސް ބޭރުގެ ދަރިވަރުންނަށް އިސްލާމް ގަޑި ދޫކޮށް ލުމުގެ އިޚުތިޔާރު އޮވެއެވެ. އެހެން ކަމުން ރާއްޖޭގައި އިންޓަނޭޝަނަލް ސްކޫލް ތަކެއް އުފެދި އެ ސްކޫލް ތަކުގައި ކިޔަވާ ދަރިވަރުންނަކީ ތަފާތު ގައުމު ތަކުގެ ތަފާތު ދިންދީނުގެ ކުދިންނަށް ވާހިނދު އެކުދިންނަށް ދީނީ މާއްދާ ވެސް ތަފާތު ދީން ތަކަށް ފެތޭ ގޮތަށް ކިޔަވައި ދޭން ޖެހުމަކީ ވަރަށް އެކަށީގެން ވާކަމެކެވެ. އެއިރުން އެ ސްކޫލް ތަކުން ކިޔަވައިދޭ ދީނީ ފިލާ ވަޅުތައް ހުންނާނީ ހުޅަނގުގެ ގައުމުތަކުގައި އޮންނަ ސެކިއުލަރިޒަމް ގެ ސިލބަހަށް ފެތޭހެން ހުރިހާ ދީނަކާ ބެހޭ މައުލޫމާތު ކިޔަވާދޭ މާއްދާއެއްގެ ގޮތުގައެވެ. އެގޮތުން އެސްކޫލުތަކަށް ދާ ދިވެހި ދަރިވަރުންވެސް ކްރިސްޓިއަން ދީން ފަދަ ބަދަލު ކުރެވިފައިވާ ދީން ތަކަށް އަހުލު ވެރި ކުރުވުމުގެ މަގު ފަހި ވެގެން ދާނެއެވެ. މިހާރު ދިވެހި ރާއްޖޭގައި އިންޓަނޭޝަނަލް ސްކޫލް ހިންގަން މަސައްކަތް ކުރާފަރާތްތަކަށް ވިސްނާލިޔަސް މިކަމުގެ ކުލަވަރު ފެނިގެން ދެއެވެ. އާދެ ދިވެހި ރާއްޖެއާ އެއްވެސް ގުޅުމެއް ނެތް މާ ދުރުގައި އޮތް ގައުމެއް ކަމުގައިވާ ތުރުކީގެ ބަޔަކު ރާއްޖޭގައި އިންޓަނޭޝަނަލް ސްކޫލް ހިންގަން އުޅުމަކީ ސުވާލު އުފެދޭ ކަމެކެވެ. ތުރުކީ އަކީ އިސްލާމީ ގައުމު ތަކުގެ ތެރެއިން ސެކިޔުލަރ ނިޒާމަށް ގައުމު ހިންގާ ހަމަ އެކަނި ގައުމެވެ. ޔޫރަޕިއަން ޔޫނިއަންގެ މެންބަރަކަށް ވުމުގެ ހުވަފެނުގައި ގައުމުގެ ގާނޫނު އަސާސީގައި ވެސް ހުރި ނަމަ ހުރި ދީނީ ހުރިހާ ބައެއް މިގައުމުން ވަނީ ފޮހެލައިފައެވެ. އެހެނަސް ގައުމުގެ ރައްޔިތުންގެ ތެރެއިން ގިނަބަޔަކީ މުސްލިމުން ކަމުގައި ވާހާ ހިނދަކު އެމީހުނަށް ޔޫރަޕިޔަން ޔޫނިއަނުގެ މެންބަރޝިޕް ލިބުން ވަރަށް ދުރެވެ. މިފަދަ ގައުމަކުން ރާއްޖޭގައި އިންޓަނޭޝަނަލް ސްކޫލް ހިންގަން ޝައުގު ވެރިވި ކަމީ ދީނީ ގޮތުން މިކަމާ މެދު ވިސްނައިފިނަމަ ވަރަށް ބޮޑު ބޮލު ރިހުމަކަށް ވާކަމެކެވެ.

އެހެން ކަމުން ދިވެހި ރާއްޖޭގައި އުފެދޭ އިންޓަނޭޝަނަލް ސްކޫލް ތަކަކީ ދިވެހި ރާއްޖެއަށް ކްރިސްޓިއަން ދީން ފެތުރުމަށް މަސައްކަތް ކުރާ ފަރާތްތަކުގެ މާސްޓަރ ޕްލޭންގެ ދަށުން ހިނގާ ކަމަކަށް ވުމީ ވަރަށް ގާތް ކަމެކެވެ.(ނުނިމޭ)

ދިވެހި ރާއްޖޭގެ ވެރިކަމަށް ދަހިވެތި ވެގެން އުޅުނު ދެތިން ޢާއިލާޔަކުން ފާއިތުވި ހައެއްކަ އަހަރުހިންގަމުން އައި  ޢަމަލުތަކެއްގެ ނަތީޖާ އެއްގެ ގޮތުން ދެކުނު އޭޝިޔާގެ ބާރު ގަދަ ސިންގާ ކަމުގައިވާ އިންޑިޔާގެ ވަކިތަކުގެ ޝިކާރަޔަކަށް ދިވެހި ރާއްޖޭގެ މިނިވަންކަން ވެ ނިމި ދަނީއެވެ. ދުރާ ލައި ރޭވިގެން އައި މަކަރު ވެރި ރޭވުމެއްގެ ދަށުން ދިވެހި ރާއްޖެ އަޅުވެތި ކޮށް އިންޑިޔާގެ ބާރުގެ ދަށަށް ގެންދިއުމުގެ އެންމެ ފަހުގެ ނިންމުންތައް ނިންމުމަށް އިންޑިޔާގެ ދިފާޢީ ވަޒީރު އެންތަނީ މިއަދު ރާއްޖެ ވަޑައިގެންފިއެވެެ. އެ މަނިކުފާނުގެ މިދަތުރުފުޅުގައި ސޮއި ކުރެވެން އުޅޭ އެއްބަސްވުމަކީ ރާއްޖެއަށް ކިތަންމެ ނުރައްކާ ތެރި އެއްބަސް ވުމަކަށް ވިޔަސް ދިވެހި ރާއްޖޭގެ ރައީސުލް ޖުމުހޫރިއްޔާ މުހަންމަދު ނަޝީދަށް ކުރެއްވޭނެ އެއްކަމެއް ވެސް ނެތެވެ. އެމަނިކުފާނު ހުންނެވީ އެމަނިކުފާނުގެ އަމިއްލަ ބަހުރުވައިން ނަމަ ފައިން އެރިފައެވެ. ނަމަވެސް އަޅުގަނޑުމެންގެ ބަހުރުވަޔަށް މިބަސް ތަރުޖަމާ ކޮށްފައި ލިޔާ ނަމަ ލިޔެވޭނީ އެމަނިކުފާނު ހުންނެވީ ސޯޓް ފުޅު ބޭލުއްވެވިފައި ކަމުގައެވެ.

ދިވެހި ރާއްޖެ އިންޑިޔާގެ ބަޔަކަށް ހެދުމުގެ ހުވަފެނަކީ އިންޑިޔާ މިނިވަން ވީއްސުރެ އެގައުމުގެ ސިޔާސީ ފަރާތްތަކުގެ ހުވަފެނެކެވެ. މިހުވަފެން ހަގީ ގަތަކަށް ހެދުމުގައި ކުޅެން ޖެހޭ ތަފާތު ޑްރާމާތައް އިންޑިޔާ އައީ ފާއިތުވި ޒަމާން ތަކުގައި ކުޅެމުންނެވެ. ދިވެހި ރާއްޖެއަކީ އިންޑިޔާގެ ސްޓޭޓެއް ކަމުގައި ބަލައި އިންޑިޔާގެ ސަރުކާރުން އެތާނގެ ސްޓޭޓް ލެވެލް ގައި ދޭ ވަރަށް ގިނަ ޚިދުމަތް ތަކެއް ރާއްޖެއަށް އައީ ތަޢާރަފް ކުރަމުންނެވެ. މިގޮތުން ފާހަގަ ކޮށް ލެވޭ ބައެއް ޚިދުމަތް ތަކުގެ ތެރޭގައި ސްޓޭޓް ބޭންކް އޮފް އިންޑިޔާ އާއި އިންޑިޔަން އެއާލައިންސާއި އިންދިރާ ގާންދީ މެމޯރިއަލް ހޮސްޕިޓަލް ފާހަގަ ކޮށް ލެވެއެވެ. މަތީގައި ވާ ލިސްޓަށް ބަލާ އިރު ސްޓޭޓް ބޭންކް އޮފް އިންޑިޔާއަކީ ނަމުން ވެސް އެނގޭނޭ ފަދައިން އިންޑިޔާގެ ސްޓޭޓް ލެވެލްގައި ހިންގޭ ބޭންކެކެވެ. ހަމަ އެފަދައިން އިންޑިޔާގެ ސްޓޭޓް ތަކުގެ މެދުގައި އުދުހޭ އެއާ ލައިން ކަމުގައިވާ އިންޑިޔަން އެއާލައިންސް ދިވެހި ރާއްޖެއަށް ދަތުރު ކުރުމަށް އިންޑިޔާއިން ހަމަ ޖެއްސި އިރު އެއާ އިންޑިޔާގެ މަތިންދާ ބޯޓުފަހަރު ރާއްޖެއަށް ނު އުދުހޭ ކަމީ މީގެ ހެއްކެކެވެ. އެންމެ ފަހުން މިލިސްޓަށް އިތުރު ކުރެވުނު އިންދިރާ ގާނދީ މެމޯރިއަލް ހޮސްޕިޓަލަކީ ވެސް އިންޑިޔާގެ ކޮންމެ ސްޓޭޓެއްގައި ހުންނަ އިންޑިޔާ ސަރުކާރުން ހިންގާ ހޮސްޕިޓަލެކެވެ.

އިންޑިޔާއިން ދިވެހި ރާއްޖެ އަލުވެތި ކުރަން އުޅެނީ ކޮން ބޭނުމެއްގައިތޯ ވިސްނާލަމީހަކަށް ވަރަށް ފަސޭހައިން ރާއްޖެ އޮތް ގުދުރަތީ ޕޮޒިޝަނާ މިކަން ގުޅުވައި ލެވޭނެއެވެ. ދުނިޔޭގެ ދަތުރު ފަތުރުގެ މައިހަބެއް ކަމުގައިވާ އިންޑިޔާ ކަނޑު ގެ ބަރަކަށް ވުމަށްޓާކައި ބޭނުންވާ އެއްވެސް ގައުމަކަށް އެކަން ކުރުމުގައި ރާއްޖޭގެ އެހީ ބޭނުން ނުވެ ނުދާނެއެވެ. މިހެން ކަމުން އިންޑިޔާއިން ނިންމީ ދިވެހި ގައުމުގެ ސެކިއުރިޓީ ކޮންޓްރޯލް އިންޑިޔާގެ އަތް ދަށަށް ގެނެސް މުޅި އިންޑިޔާކަނޑަށް އެގައުމުގެ އަތް ގަދަ ކުރުމަށެވެ. މިހިސާބުން އުފެދޭ ސުވާލަކީ އިންޑިޔާއިން މިކަން މިގޮތަށް ކުރަން ބޭނުންވަހިނދު މިހާ ގިނަދުވަސް ތަކެއް ވަންދެން މަޑުން އޮތީ ކީއްވެ ބާވައެވެ. ޚާއްސަ ކޮށް ދިވެހި ރާއްޖެއަށް ތަފާތު އެހީ ދީ ނޮވެމްބަރު ތިނެއްގައި ދިވެހިންނަށް ކުރިމަތިވި ޢުދުވާނީ ޙަމަލާގައި ދިވެހިންނަށް އެހީ ތެރިވީ ކީއްވެބާވައެވެ.ޖަޥާބު ހިސާބަކަށް ދިގު ވެދާނެތީ ވަރަށް ކުރު ގޮތަކަށް މި ޕޮއިންޓް ތަކަށް އަލި އަޅުވައިލާނަމެވެ.

ދިވެހި ރާއްޖެ މިނިވަން ވި އިރުވެސް އިންޑިޔާއިން ދެކެމުން އައީ ރާއްޖެ އަށް މިނިވަން ގައުމެއްގެ ގޮތުގައި ދެމި ނޯވެވޭނެ ކަމުގައެވެ.އެހެން ކަމުން އިނގިރޭސިންގެ އަތުން ރާއްޖެ މިނިވަން ވުމާ އެކު ރާއްޖެ އަތް ަށު ލެވޭނެ ކަމަށް އިންޑިޔާ އޮތީ ބަލަ ބަލައެވެ. އެހެނަސް އިންޑިޔާ އިން ހީކުރި ގޮތާ ޚިލާފަށް މިނިވަން މުސްތަގިއްލު ގައުމެއްގެ ގޮތުގައި ބައިނަލް އަގުވާމީ މައިދާނުގައި ދިވެހި ރާއްޖެ އައީ ކާމިޔާބު ކަމާ އެކު ކުރި އަރަމުންނެވެ. އަދި ހަމަ އެއާއެކު އިގުތިސާދީ ގޮތުންނާއި ތަޢުލީމީ ގޮތުން ރާއްޖެ ހޯދަމުން އައި ކުރިެރނުމާ އެކު ބައިނަލް އަގުވާމީ މައިދާނުގައި ރާއްޖެ ކުޅެމުން ގެންދިޔަ ހަރުދަނާ ރޯލު ވީ އިންޑިޔާ ސަރުކާރަށް ވެސް ރާއްޖެއާ މެދު ބޭނުން ގޮތެއް ހެދި ދާނެ ކަމަށް ދުށް ދުށުން ބަދަލު ކުރަން ޖެހުނު ސަބަބަކަށެވެ. އެހެން ކަމުން ދިވެހި ރާއްޖެ އަތް ދަށުލުމަށް އެމީހުން ކުރަމުން ރާވަމުން ދިޔަ ރޭވުން އެހެން ގޮތަކަށް ބަދަލު ކޮށްލުމުގެ ރޭވުން ފެށިއެވެ. ފަހުގެ ތާރީޚުގައި އިންޑިޔާއިން ދުށްގޮތުގައި ދިވެހި ގައުމުމުގެ ވެރިޔަކަށޤ ހުންނެވި މައުމޫނުގެ ހަރުދަނާ ސިޔާސަތުގެ ސަބަބުން މައުމޫނުގެ ޒަޢާމަތުގައި ދިވެހި ރާއްޖޭގެ މައްޗަށް ވެރި ވެގަތުމަކީ އެހާ ފަސޭހަ ކަމަކަށް ނުވާމނެއެވެ. އެހެން ކަމުން މައުމޫނުގެ ވެރިކަން ނިންމާލުމުގެ ޚިޔާލު އިންދިޔާ ސަރުކާރުން ފެށީ އަށްޑިހައިގެ އަހަރު ތަކުގެ ތެރޭގައެވެ. އެގޮތުން ޖަފްނާގެ ވަލުތެރޭގައި އިންޑިޔާ ސިފައިން ހަރަކާތްތެރިވި ދުވަސްވަރު ތަމަޅަ ޖަމާޢަތަކަށް ތަމްރީނުދީ ދިވެހި ސަރުކާލު ވައްޓާ ލައި މައުމޫނު އަވަހާރަ ކޮށްލަން ފޮނުވިއެވެ. އެހެނަސް މި ހަމަލާ އެމީހުން ރޭވި ގޮތަށް ކާމިޔާބުނުވެ ރައީސް މައުމޫނު އަވަހާރަ ކޮށް ނނުލެވުނު ކަން އެނގުމާ އެކު އަވަސް ވެގަނެގެން ދިވެހި ރާއްޖެއަށް އެހީ ވުމުގެ ނަމުގައި އައިސް ތަމަޅާއިން ފުރާގެން ދިޔަ ބޯޓް ގޮއވާލައި ެމީހުން ހައަޔަރު ކޮށް ދިނެވެ. ދުރު ތިބީންނަށް ފެންނާނީ އިންޑިޔާ އިން ދިވެހި ރާއްޖެއަށް ދިމާވި މިނާޒުކު ދަނޑިވަޅުގައި އެހީތެރިވި ދިން މަންޒަރެވެ. އެހެނަސް ހަގީގަތަކީ ރާއްޖޭގެ އޭރުގެ ރައީސުލް ޖުމުހޫރިއްޔާ ގުޅުއްވީ ހަމަ އެކަނި އިންޑިޔާ އަކަށް ނޫންކަމެވެ. އޮސްޓްރޭލިޔާ އެމެރިކާ އިނގިރޭސި ވިލާތް ޕާކިސްތާން ސްރީ ލަންކާ ގެ ވެރިންނާ ވެސް މައުމޫނު ގުޅުއްވިއެވެ. މިހުރިހާ ގައުމުތަކަކުން ވެސް އޮތީ ވަގުތުން ދިވެހި ރާއްޖެއަށް އެހީ ތެރި ވެދޭ ގޮތަށެވެ. މިގޮތުން ރާއްޖޭގެ ދެކުނުން 200 ވަރަކަށް ކިލޯ މީޓަރު ދުރުގައި އޮތް އެމެރިކާގެ ބޭސް ވެސް ފުލްއެލާޓަސް އައިކަމުގައި ވެއެވެ. އެހެނަސް މިއިން އެއްވެސް ފަރާތަކަށް ފުރުސަތެއް ނުދީ ކުއްލި ގޮތަކަށް އިންޑިޔާއިން ރާއްޖެ އައި އައުން ދުނިޔެ ހައިރާން ކުރުވި ކަމަކށް ވިއެވެ. އހެން ކަމުން މިކަމުގެ ސިއްރު ދުނިޔޭގެ ބޮޑެތި ގައުމު ތަކުން ހޯދި ހޯދުމުގައި އިންޑިޔާ ގެ ލަޝްކަރުތައް މިކަމަށް ތައްޔާރުވެގެން އޮތްކަން އެނގޭކަމުގެ މައުލޫމާތު ދިވެހި ސައރުކާރާހިއްސަ ކުރި ކަމުގައި ވިނަމަވެސް ދިވެހި ސަރުކާރުން އޮތީ އެކަންކަން ސިއްރު ކޮށްފައެވެ. އިންޑިޔާގެ ރުހުން ހޯދައިގެން މިސަރަހައްދުގައި ވަކި ފަރާތަކަށް ނުޖެހި އޮތުމުގެ ސިޔާސަތަކީ އޭރުގެ ދިވެހި ސަރުކާރުން އިސް ކުރެއްވި ސިޔާސަތު ކަމުގައި ފެނެއެވެ.

ފަހަކަށް އައިސް ވިޔަފާރިއާއި އަޝްކަރީ ގޮތުން ޗައިނާ އިން ހޯދަމުންދާ ކާމިޔާބާއެކު ޗައިނާ އިން ވަނީ އިންޑިޔާ ކަނޑުގައި ވެސް އެމީހުންގެ ދައުރެއް ކުޅެން ފަށާފައެވެ. މީގެ ބޭނުމަކީ ޗައިނާ ޔަކީ ދުނިޔޭގެ އިކޮނޮމިކަލް ބާރަކަށޤ ވެފައި އަދި ހަމަ އެހެންމެ އަސްކަރީ ބާރަކަށް ވެސް ވުމާ އެކު އިންޑިޔާ ކަނޑޫ ހުރަސް ކޮށް ދަތުރު ކުރާ ޗައިނާގެ އެތަކެއް ބޯޓެއްގެ ސަލާމަތަށް ޖާމިނު ކަމެއް ހޯދުމުމުގެ ބޭނުމުގައެވެ. ޒަމާނުއްސުރެ ޗައިނާގެ ކުރި އެރުން ބިރެއްކަމަށް ދެކޭ އިންޑިޔާ އަށް މިކަން ވީ ކެތް ކުރެވޭ ވަރުގެ ކަމަކަށް ނޫނެވެ. އެހެން ކަމުން ކޮންމެ ފަދަ އަގަކަށް ނަމަވެސް ދިވެހި ރާއްޖޭގައި އެމީހުންގެ ދިފާޢި މަރުކަޒެއް ހެދުމުގެ މުހިންމު ކަން އިންޑިޔާއަށް ވިސް ނުނެވެ. އެހެން ކަމުން މިކަމަށް މިކަމަށް މަގު ފަހި ކުރުމުމުގެ ގޮތުން ދިވެހި ރާއްޖޭގެ އެތެރޭގައި ހަމަ ނުޖެހުން އުފެއްދުމަށް އިންޑިޔާ ސަރުކާރުން އައީ ތަފާތު ގޮތް ގޮތުން ހިތްވަރުދީ އެހީތެރި ވަމުންނެވެ. ނަތީޖާއެއްގެ ގޮތުން ރައީސް މައުމޫނު ވެރިކަމުން ވެއްޓި ދެން ގައުމުގެ ރައީސް ކަމާ ހަވާލު ވި ފަރާތަކީ ކުރިން ދެންނެވި ނޮވެމްބަރ 3 ގެ ހާދިސާޔާ އާއިލީ ގޮތުން ގާތް ބޭފުޅަކަށް ވުމީ އިއްތިފާގެއް ބާވައެވެ. އެހެން ކަމަށް ވާނަމަ ނޮވެމްބަރު ތިނެއްގެ ގިނަ ޚާއިނުންނަށް ސަރުކާރުގެ މަތީ މަގާމުތައް ދިނުމަކީ ވެސް ހަމަ އިއްތިފާގު ބާވައެވެ.

ރައީސް ނަޝީދު ވެރިކަން ލިބި ވަޑައި ގެންނެވުމުގެ ކުރިން އިންޑިޔާ އަށް ދަތުރެއް ކުރެއްވެވިއެވެ.އެދަތުރުގައި އިންޑިޔާގެ ކަމާ ބެހޭ ފަރާތްތަކާ ބައްދަލު ކުރައްވައި ދިވެހި ސަރުކާރުން ޗައިނާޔަށް ރަށެއް ދީފި ކަމުގައި ވަހަކަ ދެއްކެވިއެވެ. އަދި ހަމަ އެފަދައިން ދިވެހި ސަރުކަރުން މިރީޖަނަށް އިސްލާމިކް ފަންޑަމެންޓަލިސްތުން ރިކްރޫޓް ކުރަން މަސައްކަތް ކުރަނީޔޭ ކިޔައި އޭރުގެ ދިވެހި ސަރުކާރާ ޑުބާއީ ވޯލްޑާ ގުޅިގެން ހިންގަން ހަމަޖެހިފައި އޮތް ގުޅިފަޅު ޕްރޮޖެކްޓްގެ ވާހަކަ ވެސް ދެއްކިއެވެ. މިވާހަކަ ތަށް އައްސަވަފައި އިންޑިޔާގެ މިނިސްޓަރ ވިދާޅުވީ އިންޑިޔާގެ މަސްލަހަތު ތަކަ ދޭތެރޭ ލޯމަރާލައިގެން އިންޑިޔާ ނޯންނާނެ ކަމުގައެވެ.

ރައީސް ނަޝީދު ވެރިކަމަށް ވަޑައިގެންނެވުމާ އެކު އިންޑިޔާ ސަރުކާރުގައި ކުރިން ވެ ވަޑައި ގެންނެވި ވައުދު ފުއްދެވުމަށް މަޖުބޫރު ވެ ވަޑައި ގެންނެވިއެވެ. އެގޮތުން ދިވެހި ރާއްޖެގެ ދިފާޢީ ހުރިހާ ކަމެއްގެ ކޮންތްރޯލް އިންޑިޔާ ސަރުކަރާ ހަވަލުކުރުމުގެ ކަންތައް މިހާރު އެދަނީ ކުރިޔަށެވެ. މިކަމުގައި ކިތަންމެ ހިތް ޕުލަށް ތަދުވިޔަސް ރައީސް ނަޝީދަކަށް މިހާރަކު ކުރެއްވޭނެ އެއް ކަމެއް ވެސް ނެތެވެ. ސަބަބަކީ އެމަނިކުފަނު ވަނީ އިންޑިޔާ ސަރުކަރުގެ އަތްދަށު ވެފައެވެ. އިދި ކޮޅު ޕާޓީ އަށް ވެސް އޮތީ ހަނު ހިމެނުން އޮތުމެވެ. ސަބަބަކީ އިންޑިޔާއިން ކުރަން އުޅޭ މިފަދަ ކަމަކަށް ހުއްޓުމެއް އަރާފަދަ ކަމެއް ކުރަން ފަސް ޖެހުމެވެ. ދިވެހި ރައްޔިތުންނަށް އެކަމުން ކޮށފާނެ އަސަރަކަށް ބަލާފައެވެ. އިންޑިޔާއިން މިއަދު ފިޔަވަޅެއްއެޅިޔަސް މާދަމާ ކައްކާނެ ފިޔާކޮލެއް އަލުވި ކޮޅެއް ބަދިގެއަކު ނުހުންނާނެއެވެ. އެހެން ކަމުން އެންމެންނަށް ވެސް އޮތީ މި ހިތި ބެސް ކެތްތެރި ކމަ އެކު ބޯލުމެވެ. ނުނީ މިނވަން ކަމުގެ އަގަކަށް ފިޔާ އަލުވިކޮޅު ގުރުބާން ކޮށޤލާފައި އިދިކޮޅަށް ތެދުވުމެވެ. އެހާ ހިތްވަރު އެބަހުރި ބާވައެވެ.  

 

 

 

 

 

 

 

ޢަބްދުﷲ ސަމީރު

ސްކޫލްތައް ޕްރައިވަޓައިޒް ކުރުމަކީ ރައީސް ނަޝީދުގެ އެމްޑީޕީ ސަރުކާރުގެ މައިގަނޑު ޕޮލިސީ ތަކުގެ ތެރޭގައި ހިމެނޭ ކަމެކެވެ. ކޮންމެވެސް ސިފައެއްގައި މިކަން ފެށިގެން ކުރިޔަށް ދާއިރު އާންމުންގެ މެދުގައި ވަނީ ފާޑެއްގެ ނުތަނަވަސް ކަމެއްވެސް އުފެދިފައެވެ. އަމިއްލަ ސްކޫލްތަކުގެ އަގު ބޮޑު ވުމާއި ކިޔަވާދޭ ގޮތާއި މެދު ކުރެވޭ ސުއާލުތަކަކީ ހަގީގަތުގައި އެކަށީގެންވާ ޖަވާބު މިހާތަނަށް ލިބިފައިވާ ސުވާލު ތަކަކަށް  ނުވިޔަސް ސަރުކާރުގެ ސްކޫލްތައް އަމިއްލަ ފަރާތްތަކާ ހަވާލު ކުރުން ނުވަތަ “ވިއްކާ”ލުމުގެ މަޝްރޫއަކީ މިއަދުގެ އެޑިޔުކޭޝަން މިނިސްޓަރު އެންމެ ބުރަ ކޮށް ކުރައްވަމުން ގެންދަވާ އެއް މަސައްކަތް ޕުޅެވެ. މި ލިޔުމުގައި ބަލާލާނީ ދިވެހި ރާއްޖޭގެ ސްކޫލްތައް ޕްރައިވަޓައިޒް ކުރުމާ ބެހޭގޮތުން އުފެދޭ ބައެއް ސުވާލުތަކާއި، ކުރި އަރާފައިވާ ގައުމު ތަކުގެ ތަޢުލީމީ ނިޒާމު އޮންނަ ގޮތުގެ މައްޗަށް ރިޢާޔަތް ކޮށް އެސުވާލު ތަކަށް ލިބިގެންދާ ޖަވާބުގެ މައްޗަށެވެ..

ސްކޫލްތައް ޕްރައިވަޓައިޒް ކުރުމުގެ ފެށުން

ދިވެހި ރާއްޖޭގެ ސްކޫލް ތައް ޕްރައިވަޓައިޒު ކުރުމުގެ ވާހަކަ ތަކުގެ ކުރިން ފެށިގެން އައީ އިންޓަރނޭޝަނަލް ސްކޫލް ތަކެއްގެ ވާހަކައެވެ. އެއީ ނިމިގެންދިޔަ މައުމޫނުގެ ސަރުކާރުގެ ފަހު ދުވަސްކޮޅުގެ ތެރޭގައެވެ. މިގޮތުން އީޕީ އެސް ސްކޫލާއި ފަރީދިއްޔާ ސްކޫލް އިންޓަނޭޝަނަލް ސްލޫލް ތަކެއްގެ ގޮތުގައި ބޭރުގެ ބަޔަކާ ހަވާލު ކުރެވުނު ކުރެވުމަކީ މިއަދު މިދެކެވޭ ސްކޫލް ތައް ޕްރައިވަޓައިޒް ކުރުމުގެ ފެށުން ކަމުގައި ދެންނެވި ދާނެއެވެ. އެހެންކަމުން އިންޓަނޭޝަނަލް ސްކޫލުގެ ވާހަކަޔަކީ މިތާގައި ދައްކަން ޖެހޭ މުހިންމު ވާހަކައެކެވެ.

އިންޓަނޭޝަނަލް ސްކޫލަކީ ކޮބާ؟

ޢިންޓަނޭޝަނަލް ސްކުލަކީ ދިވެހިންގެ ތެރޭގައި ވަރަށް ނަން ހިނގާ ފައިވާ ސްކޫލެއް ކަމުގައި ވުމާ އެކު ކޮންމެ މީހަކު ވެސް ބޭނުން ވަނީ އިންޓަނޭޝަނަލް ސްކޫލަކަށް ދަރިން ފޮނުވާށެވެ. އެހެނަސް އިންޓަނޭޝަނަލް ސްކޫލަކީ ކޮބާ ކަމާ އެއީ ކީއްކުރާ ސްކޫލެއް ކަން ދިވެހިންނަށް އެނގޭ ކަމާ މެދު ޝައްކެވެ. އެހެން ކަމުން މިތާގައި އިންޓަނޭޝނަލް ސްކޫލަކީ ކޮބާތޯ ބަލާލުން މުހިންމު ކަމުގައި ދެކެމެވެ.

އިންޓަނޭޝަނަލް ސްކޫލްގެ ތަޢާރަފުގައި ވާގޮތުން އިންޓަނޭނަޝަލް ސްކޫލަކީ އިންޓަނޭޝަނަލް ތަޢުލީމު ދޭ ސްކޫލް ތަކެވެ. މިފަދަ ސްކޫލް ތަކުގައި ކިޔަވާދެވޭނީ އިންޓަނޭޝަނަލް ކަރިކިއުލަމަކަށެވެ. ނުވަތަ ސްކޫލް ބިނާ ވެފައިވާ ގައުމުގެ މައިގަނޑު ކަރިކިއުލަމާ ތަފާތު ކަރިކިއުލަމެކެވެ. މައިގަނޑު ގޮތެއްގައި މިފަދަ ސްކޫލް ތަކުގައި ކިޔަވާ ދޭނީ ސްކޫލް އުފެދިފައިވާ ގައުމު ނޫން ގައުމުތަކުގެ ކުދިންނަށެވެ. މީގެ ތެރޭގައި ގައުމުގައި ދިރިއުޅޭ ބޭރުގެ ވިޔަފާރި ވެރިންގެ ދަރިނާއި ތަފާތު އިންޓަނޭޝަނަލް ޖަމާޢަތްތަކުގެ މުވައްޒަފުންގެ ދަރީންނާއި ޑިޕްލޮމެޓިކް މިޝަންތަކުގެ މުއައްޡަފުންގެ ދަރީން ހިމެނިދާނެއެވެ. ސްކޫލް އުފެދިފައިވާ ގައުމު ތަކުގެ ކުދިން މި ސްކޫލް ތަކަށް ދަނީ އެ ސްކޫލް ތަކުން އެކުދިންނަށް ބޭރު ބަސް ދަސް ކުރުމަށް މަގު ފަހި ވުމާއި ލިބޭ ބޭރުގެ ސަނަދު ތަކުގެ އަލީގައި ބޭރު ގައުމު ތަކުން ވަޒީފާގެ މަގު ފަހި ކުރުމުގެ ބޭނުމުގައެވެ.

އިންޓަނޭޝަނަލް ސްކޫލުން ކިޔަވާ ދެނީ ކޮން އެއްޗެޢް؟

ޢާންމު ގޮތެއްގައި ދުނިޔޭގެ ހުރިހާ ހިސާބެއްގައި ވެސް އިންޓަނޭޝަނަލް ސްކޫލުން ކިޔަވާދެނީ އިނގިރޭސި ވިލާތާއި އެމެރިކާގެ ކަރިކިއުލަމަށް ބިނާ ގޮށްގެންނެވެ. މި ގޮތުން އިނގިރޭސި ވިލާތާއި އެމެރިކާގެ އިންޓަނޭޝަނަލް ސެޓްފިކެޓް ތަކަށް ޚާއްސަ ކޮށް ގެން މިފަދަ އިންޓާނޭޝަނަލް ސްކޫލް ތަކުގައި ކިޔަވައިދެއެވެ. އެގޮތުން އިންޓަނޭޝަނަލް ޖެނެރަލް ސެޓްފިކެޓް އޮފް އެޑިޔުކޭޝަން ނުވަތަ އައި ޖީ ސީ އެސްއީގެ ސިލަބަސް ފާހަގަ ކޮށް ލެވެއެވެ.

ދިވެހި ރާއްޖޭގެ ހުރިހާ ސްކޫލަކީ ވެސް އިންޓާނޭޝަނަލް ސްކޫލް

އިސްވެ ދެންނެވުނު އިންޓާނޭޝަނަލް ސްކޫލްގެ ޚުލާސާ ތަޢާރަފަށް ބަލާއިރު ފާހަގަ ކޮށް ލެވޭ ޕޮއިންޓަކީ އިންޓަނޭޝަނަލް ސްކޫލެއްގައި ހުންނާނެ ކަމަށް ބަޔާން ކުރާ ހުރިހަ ސިފަތަކަކީ ވެސް ދިވެހި ރާއްޖޭގެ ސްކޫލް ތަކުގައި ޒަމާނުއްސުރެ ހުރި ސިފަތަކެވެ. ޚާޢްސަ ކޮށް އިންޓަނޭޝަނަލް ސްކޫލެއްގައި ކިޔަވާދޭނެ ކަމުގައި ބުނާ ގޮތަށް ބަލާއިރު އެއީ ރާއްޖޭގައި މިހާ ތަނަށް ކިޔަވައި ދެމުން އަންނަ ޢާންމު އުސޫލެވެ. އާދެ، ރާއްޖޭގެ ސްކޫލު ތަކުން ޒަމާނުއްސުރެ ކިޔަވައިދޭ ސިލަބަހަކީ އިނގިރޭސި ވިލާތުގައި އިންޓަނޭޝަނަލް ސްކޫލް ތަކަށް ޑިޒައިން ކޮށް ފައިވާ ސިލަބަހެވެ. މިގޮތުން ދިވެހި ރާއްޖޭގެ ސެކަންޑްރީ ނިންމާ ކޮންމެ ކުއްޖަކު ވެސް ހަދަނީ އައިޖީސީއެސްއީ އިމްތިހާނެވެ. އެހެންކަމުން ރާއްޖޭގެ ހުރިހާ ސްކޫލަކީ ވެސް އިންޓާނޭޝަނަލް ސްކޫލް ތަކެއް ކަން އަޅުގަނޑުމެންނަށް އެނގިގެން ހިނގައްޖެއެވެ.  (ނުނިމޭ)

 

 

 

 

 

 

ކުރީ ޒަމާނުގައި އިންޑިޔާއިން ގެންނަ ހިންދީ ފިލްމު ތަކުގައި ހުންނަނީ ބުޗާގެ ދޮންމަނިކުގެ ސޮއި ކޮށް ސެންސަރު ކޮށްފައެވެ. ފިލްމަކީ އިންޑިޔާގެ އޯޑިއަންސަށް ތައްޔާރު ކޮށްފައި ހުންނަ ފިލް މު ތައް ކަމުން ދިވެހި އޯޑިއަންސަށް ފެތޭ ގޮތަށް ސެންސަރު ކޮށްލަނީ އެވެ. ދިވެހިންނަށް މިފިލްމު ތައް އެޑިޓް ކޮށް އަލުން ބަދަލު ކުރުމުގެ ހައްގު ނޯންނާތީ ހަދާ ގޮތަކީ ކަމު ނުދާ ބައި ކޮންމެވެސް ގޮތަކަށް ގާނާ ލަނީ އެވެ. ފަހުން މިކަން އެޑްވާންސް ވެގެން ގޮސް މަންޒަރުގެ މައްޗަށް މަލެއް އަރުވާފައި ހުއްޓާ ވެސް ފެނެއެވެ.

ކޮންމެއަކަސް ޒަމާން ބަދަލުވެ މިއަދު އަޅުގަނޑު މެނަށް އިވެމުން މިދަނީ އިންޑިޔާގެ އޯޑިއަންސަށް ދިވެހި ޑްރާމާ އެއް ފައްތަން އުޅޭ ވާހަކަ އެވެ. ހަގީގަތުގައި މިއީ ވަރަށް ސިއްރުން ކުޅެން އުޅުނު ފިލްމެއް ކަމުގައި ވިޔަސް އިންޑިޔާގެ ނޫސްތަކުން ވަނީ ފިލްމުގެ ޑައިލޮގް މީގެ ދެތިން ދުވަސް ކުރިން ލީކް ކޮށްލާފައެވެ. ލީކް ކޮށްލި ޑައިލޮގް ގައި ދިވެހި ސަގާފަތާ ނުގުޅޭ ނުވަތަ ދިވެހިން ހިތް ހަމަ ނުޖެހޭ ބައިތަކެއް ހުރުމުން ގިނަ އަދަދެއްގެ ބަޔަކު އަންނަނީ ނުރުހުން ފާޅު ކުރަމުންނެވެ. އެހެންކަމުން ވެގެން އުޅޭ ގޮތް ހާމަ ކޮށް ދިނުމަށް ޓަކައި މި ފިލް މުގެ މުހިންމު ބައެއް ކަމުގައިވާ ޑޮކްޓަރ ސަޙާފުގެ ބައި ކުޅުމަށް ހަމަ ޖެހިފައިވާ ފަރާތުން ވަނީ ނޫސް ވެރިންނާ ބައްދަލު ކުރައްވައި ވެގެން އުޅޭ ގޮތް ހާމަ ކުރައްވާ ފައެވެ. އޭނާ ހާމަ ކުރެއްވި ގޮތުގައި އިންޑިޔާގެ ނޫސް ތަކުގައި ޖަހާފައި ވަނީ އިންޑިޔާގެ އޯޑިއަންސަށް ފެތޭ ގޮތަށް އެޑިޓް ކޮށްފައިވާ ސްކްރިޕްޓެކެވެ. އެއީ ފަހަރެއްގައި ވެސް އަސްލު ސްކްރިޕްޓެއް ނޫނެވެ. އަސްލު ސްކްރިޕްޓް ނުވަތަ ޑައިލޮގް ވަނީ ޚާއްސަ ގޮތަކަށް ސިއްރު ކުރެވިފައެވެ. މަޢުލޫމާތު ލިބޭ ގޮތުގައި ޑޮކްޓަރ ސަޙާފަކަށް ވެސް މި ދެންނެވި އަސްލު ޑައިލޮގް ފެނި ވަޑައިގެންނެވި ކަމަކަށް ނުވެއެވެ

މިދެންނެވި ޑައިލޮގް މިހާ ވަރަކުން ފޮރުވައިގެން މިއުޅެނީ މި ފިލްމުގެ ދެތިން ހަތަރު ކޮޕީއެއް ހެދުމުގެ ބޭނުމުގައި ކަމުގައި ޚަބަރު ލިބެއެވެ. އެއި ތަފާތު ގައުމު ތަކުގެ އޯޑިއަންސަށް ފައްތައިގެންނެވެ. މިގޮތުން ޑޮކްޓަރ ސަޙާފް ފާހަގަ ކުރެއްވި ގޮތުގައި ޗައިނާގެ އޯޑިއަންސަށް ފައްތައިގެން އެޑިޓް ކުރެވޭ ކޮޕީ އެއްވެސް ނެރުމަށް ވަނީ ހަމަ ޖެހިފައެވެ. މީގެ އިތުރުން ލިސްޓްގައި ހިމެނުމަށް ޚިޔާލު ކުރެވޭ ގައުމު ތަކުގެ ތެރޭގައި އިނގިރޭސި ވިލާތާއި ފަރަންސޭސި ވިލާތާއި އެމެރިކާ ހިމެނެއެވެ. އެހެންނަމަވެސް މި ގައުމު ތަކުގެ އޯޑިއަންސަށް މިފި ފިލްމް ކަމުދާނެ ކަމުގެ ޔަގީން ކަމެއް އަދި ލިބިފައެއް ނެތެވެ. އިންޑިޔާ ފިޔަވައި މިކަމަށް ޝައުގު ވި ފަރާތެއް ވެސް އޮތް ކަމެއް އަދި އެނގޭ ކަށް ނެތެވެ.

ފިލްމުގެ އިންޑިޔާ އެޑިޝަންގައި ހުރި ދިވެހިންގެ ހިތް ނުތަނަވަސް ވާ ޕޮއިންޓް ތަކަށް ޑޮކްޓަރ ސަހާފް ވަނީ މައިގަނޑު ގޮތެއްގައި ވާހަކަފުޅު ދައްކަވާފައެވެ. އެމަނިކުފާނު ވިދާޅުވި ގޮތުގައި ފިލްމުގެ އިންޑިޔާ ވާޝަން ގައި ވާގޮތުން ދިވެހި ރާއްޖެ އިންޑިޔާގެ ދިފާޢީ ބާރުގެ ދަށަށް ދާނެއެވެ. އެހެނަސް އޮރިޖިނަލް ސްކޮރިޕްޓްގައި ވާގޮތުން ދިވެހި ރާއްޖޭގެ ކަނޑާ ވައިގެ ސަރަހައްދު އިންޑިޔާ ސިފައިންނަށް ހަމަ އެކަނި ހިތަކަށް ލިބޭނީ އެވެ. ފަހަރެއްގައި ވެސް އެމީހުންގެ އަތް ދަށަކަށް ނުދާނެއެވެ. މީގެ އިތުރުން ދިވެހި ރާއްޖޭގެ ސަރަހައްދު ތަކެއްގައި ބަހައްޓާ ރާޑަރ ސިސްޓަމްގެ ކޮންޓްރޯލް އިންޑިޔާ އަށް ލިބޭނެ ކަމުގައި ބުނާ ވާހަކަ ވެސް އަސްލު ސްކްރިޕް ޓްގައި އޮންނަނީ އެހެނެއްނޫނެވެ. އަސްލު ސްކްރިޕްޓްގައި ވާގޮތުން ދިވެހި ރާއްޖޭގެ ރާޑަރ ސިސްޓަމްގެ ހުރިހާ ފޮޓޯ ތަކެއް އިންޑިޔާ   ގެ ދިފާޢީ މަރުކަޒަށް ވަގުތުން ދަނީ އެވެ. އެހެންސް ކޮންޓްރޯލް އޮންނާނީ ދިވެހި ސިފައިންނަށެވެ.

ކޮންމެއަކަސް ދިވެހިންނާ އިންޑިޔާ މީހުން ވެސް ވަނީ މި ފިލްމު ސިނަމާ ތަކަށް އަންނާނެ ދުވހަކަށް ކެތް ބަލިވެފައެވެ. ފިލްމުގެ މުހިންމުކަމާ މަޝހޫރު ކަމާ ހެދި ދިވެހި ރާއްޖޭގެ ޓީވީ ތަކުގައި މިހާރު އެންމެ ހިނގާ ޑްރާމާ ކުޅޭ މަޖިލީހުގެ ޚާއްސަ ރިވިއު އަކަށް ގޮވާލެވުނެވެ. މިކަމަށް ގޮވާލެއްވީ ކުރީގެ މަޝްހޫރު ޓިވީ ތަރިކުއްޓިއެވެ. އެހެނަސް މިފަދަ މުހިންމު ފިލްމެއް ކުޅެ ނިނިމެނީސް އޭގެ ރިވިއު އެއް ހެދުން ރަނގަޅު ނުވާނެކަމުގައި ކޮމިޓީގެ އިއްތިފާގުން ނިންމުނެވެ. ގިނަ ބަޔަކު ލަފާ ކުރަނީ މިފިލްމަކީ އިންޑިޔާ އާ ދިވެހި ރާއްޖޭގެ އިތުރުން ބައިނަލް އަގުވާމީ ފިލްމް ފެއާ ތަކުގައި މޮޅެތި ވަނަތަކެއް ހޯދާނެ ފިލްމެއް ކަމުގައެވެ.   

 

 

 

 

 

ދިވެހިންގެ ތާރީޚު އެނގެން ފެށި ހިސާބުން ފެށިގެންވެސް ދިވެހި ގައުމާ ތަފާތު ގޮތް ގޮތުން ތޮޅި ހަމަލާ ދެމުން އައި އިންޑިޔާ އަކީ މިޒަމާނުގެ މޮޑަން ދުނިޔެއަށް އަހަރެމެންނަށް ނޭވާ ލެވުނު އިރު ދިވެހި ރާއްޖެއިން ބަޔެއް ދަމައިގެންފައިވާ ގައުމެކެވެ. ހަގީގަތުގައި އިންޑިޔާގެ ބިޔަކަމާއި ހަތިޔާރުގެ ގިން ކަމާއި ތަންތަނަށް އަތް ގަދަ ކުރަން ހުރި ކެތް ބަލި ކަމަށް ބަލަ އިރު ދިވެހި ރާއްޖޭގެ މީހުން އުޅޭ އެންމެ ރަށެއް އެމީހުންގެ އަތުގައި އޮތް އޮތުމަކީ މާބޮޑު ކަމަކަށް ނުވެއެވެ. ކާބަފައިން ވަނީ އިންޑީޔާ މީހުން ރާއްޖެޔާ ތޮޅެން އައި ކޮންމެ ފަހަރަކު ނިކަން ރަނަގަޅަށް ރޭރު ކޮށްލާފައެވެ. މިނިވަން ކަމުގެ ތޢރީޚަށް ބަލާ އިރު ދިވެހިންނަކީ އިންޑިޔާ އަށް ވުރެ ފަޚުރު ވެރި ތާރީޚެއް އޮތް ގައުމެކެވެ. ރާއްޖެއާ ތޮޅެން އައި ކޮންމެ ބަޔަކާ ވެސް ކާ ބަފައިން ވަނީ ފިސާރި ކެރިގެން ކުރިމަތި ލާ ފައެވެ. މިގޮތުން އިންޑިޔާ ހިފައިގެން ތިބި ޕޯޗްގީޒުންނަށް ވެސް ރައްޖެޔާ ކުޅެން ހަދައިގެނ ލިބުނީ ބޮޑު ލަނޑެކެވެ. މިއިރު އިންޑިޔާ އިންޑިޔާ އަކަށް ވީ އިނގިރޭސީންގެ ސަބަބުންނޭ ދެންނެވިދާނެއެވެ. އެއިގެ ކުރިން މަޝްހޫރު މޯގަލުން ކުޅަ ވެރިކަން ފަދަ ވެރިކަމަކީ އެމީހުން ހިތް ނޭދުނަސް އިންޑިޔާގެ މުގައްދަސް ތާރީޚު ކަމުގައި ދައްކަން އޮތް އެމީހުން ހަތުރުން ކަމުގައި ބަލާ މުސްލިމުންގެ ވެރިކަމެވެ.

ފަހުގެ ތާރީޚުގައި އިންޑިޔާގެ އަތްދަށު ނުވެ ދިވެހި ރާއްޖެޔަށް އޮވެވުނީ ދިވެހި ގައުމުގެ ހިންގުންތެރިންގެ ކުލަދާނަ ހިކުމަތުންނެވެ. އެހެންނަމަ ވެސް ދިވެހި ރާއްޖޭގެ ޒަޢާމަތު ކުފޫ ހަމަ ނުވާ މީހަކަށް ލިބި ޕާޓެ ގުރޫޕަކުން ގައުމު ހިންގަން ފެށުމާ އެކު އިންޑިޔާ މިއަދު މިވަނީ އެމީހުންގެ ހިތުގައި ޒަމާނުއްސުރެ އުތުރި އަރަމުން އައި ދިވެހި ރާއްޖެ އަތްދަށު ލުމުގެ މަޝްރޫއަށް އަމަލީ ސިފަ ގެނެސް ފައެވެ.

ދިވެހި ރާއްޖެ އޮތީ ބައިނަލް އަގުވާމީ ކަނޑު ދަތުރު ފަތުރުގެ ވަރަށް މުހިންމު މަގާމެއްގައި ކަން އިންޑިޔާ އަށް އެނގެއެވެ. އެހެން ކަމުން އިންޑިޔާ ކަނޑުގެ ރަސްގެފާނު ކަމުގެ ލަ\ގަބު ހޯދުމަށް އންޑިޔާއިން ކުރަމުން ދާ މަސައްކަތަކީ ކޮންމެ ފަދަ އަގަކަށް ގަންނަން ޖެހުނަސް ގަންނަން އެމީހުން ތައްޔަރަށް އޮތް އެއްޗެކެވެ.

ނަސީބު ދެރަކަމުން މިވަގުތަކީ ޖަލުން ނިކުމެ ވަޑައިގެންނެވި ގުރޫޕުގެ ވެރިކަން ރާއްޖޭގައި އޮތް ދުވަސް ކޮޅެވެ. ޚަޒާނާ ގައި ހުރި ލާރި ކޮޅު ގައުމުން ހަނީ މޫނު ދުވަސް ކޮޅުގެ ތެރޭގައި ހުސް ކޮށްލައި ހަދާނެ ނަހަދާނެ ގޮތެއް ނޭގިގެން ސަލަން ޖަހަން އަތް ދިއްކޮށްލި ދަނޑިވަޅު ބަލާފައި އިންޑިޔާއިން އެއިގެ ބޭނުން ހިފާލީ ވަރަށް މޮޅަށެވެ. ސަތޭކަ މިލިޔަން ރުފިޔަ ދީފައި ދައުވަތު ދީފައި ގެންގޮސް އެރުވީ ސުލާ ޝިރާޒުގެ އެންމެ ތައްޓެކެވެ. މަގިނައިން ބުޔަކަ ނުވެސް ދިނެވެ. ފޮޓޯގްރާފަރަކު ލައްވާ ދެތިން ފޮޓޯނަންގުވާފައި ނޫސް ވެރިޔަކު ލައްވާ އެވާހަކަ ނޫހުގައި ޖެއްސީއެވެ. ފަހުން ބޭނުން ކުރަން ކާލާ މަންނު ގޮތަށް ފޮޓޯ ތަށް ހުރީ ބަހައްޓާފައެވެ. މިފޮޓޯ ތަކުގެ ބޭނުން ކޮށްގެން ކުރި ބްލެކް މެއިލްގެ ނަތީޖާ އަކަށްވީ ޗައިނާ ފަދަ ގައުމު ތަކުން ބިލިޔަނުން ރައްޖޭގައި އިންވެސްޓް ކުރަން ތައްޔާރަށް ތިއްބާ އެއިގެ ބޭނުން ވެސް ނުހިފި ސަތޭކަ މިލިޔަން ޑޮލަރުގެ ލޯނު އެހީޔަކަށް އިންޑިޔާ ޔަށް ދިވެހި ގައުމު ވިއްކާލަން އަޅުގަނޑުމެންގެ ލޮބުވެތި ރައީސް ނަޝިދަށް މަޖުބޫރު ވެ ވަޑައިގަތީއެވެ.

އިންޑިޔާ އާއި ރާއްޖެ އާ ދެމެދު ކުރަން ހަމަޖެހިފައިވާ އެއްބަސް ވުމަށް ނުވަތަ އެގްރީ މެންޓަށް ބަލާއިރު ދިވެހި ރާއްޖޭގެ ސަލާމަތީ ހުރިހާ ކަމެއް ބެލެހެއްޓުން އިންޑިޔާގެ ޑިފެންސް ފޯހަ ހަވާލު ކުރެވެއެވެ. އެއީ ކަނޑާއި ވައިގެ މަގުންނެވެ. އެގޮތުން އިންޑިޔާގެ ދެކުނު ކޮމާނޑް ގެ ދަށަށް ދިވެހި ރާއްޖެ ބެލެ ހެއްޓުން އަންނާނެއެވެ. ނަތީޖާ އެއްގެ ގޮތުން އިންޑިޔާގެ ދިފާއީ ނިޒާމުގެ ތެރެއިން ދިވެހި ރާއްޖޭގެ 26 ރަށެއްގައި ރާޑަރު ތަކެއް ބެހެއްޓޭނެއެވެ. މިރާޑަރު ތަކުގެ ސިގްނަލް ސީދާ ލިބޭނީ އިންޑިޔާގައި ހުންނަ ކޮންޓްރޯލް ރޫމަކަށެވެ. އެގޮތުތުން އިންޑިޔާ ކަނޑުގެ ރާއްޖޭގެ ސަރަހައްދު އިންޑިޔާ އަށް ކޮންޓްރޯލް ކުރެވޭނެއެވެ. މީގެ އިތުރުން އިންޑިޔާގެ ވައިގެ ސިފައިންގެ އުޅަނދުތައް ރާއްޖެ މަތިން އަބަދުވެސް އުދުހޭނެއެވެ. އަދި އިންޑިޔާގެ ދެހެލި ކޮޕްޓަރު ދިވެހި ރާއްޖޭގައި ދާއިމީ ގޮތަކަށް ބޭއްވޭނެއެވެ.

މި އެގްރީމެންޓަށް ބަލާއިރު އެންމެ މުހިންމު ގޮތަކަށް ފާހަކޮށްލަން ޖެހޭ ކަމަކީ އިންޑިޔާ ސަރުކާރާ އެކު މިގޮތަށް އެއްބަސް ވުމަށް ފަހު ދިވެހި ސަރުކަރަށް ގައުމުގެ ސަލާމަތާ ބެހޭ އެއްވެސް ކަމެއްގައި އަމިއްލަޔަށް ގޮތެއް ނިންމުމުގެ ބާރެއް ނޯންނާނެއެވެ. އެހެން ގައުމަކާ އެކު ދިފާޢީ އެއްވެސް އެއްބަސް ވުމެއްގައި ސޮއި ކުރުމުގެ ބާރު ވެސް ގެއްލި ދާނެއެވެ. މިއީ އިންޑިޔާގެ ފޮނި ރިޕޯޓަރުން މި ރިޕޯޓް ގެނެސްދިން އިރު އެމީހުން ވެސް ހައިރާން ކުރުވި ޕޮއިންޓެއްކަން އެނގެއެވެ. މީގެ މާނަޔަކީ ދިވެހި ސިފައިންގެ މީހަކަށް އެންމެ ކުޑަމިނުން އިންޑިޔާއިން ބޭރު ކަރަޔަކުން މިލިޓަރީ ޓްރެއިނިނގް އެއް ހެދުމުގެ ދޮރު ވެސް ބަންދު ވުމެވެ.

މި ދެންނެވި ޕޮއިންޓް ތަކަށް ބަލާއިރު މި އެގްރީމެންޓާ މެދު ދެންނެވޭނީ މިއީ އިނގިރޭސިންގެ ހިމާޔަތުގެ ދަށަށް ދިވެހިން ދިޔަފަދަ ހިމާޔަތުގެ އެގްރީމެންޓެއް ކަމުގައެވެ. އެއިރު ސަރުކާރު ހިންގަވަން ތިއްބެވި ބޭފުޅުންނަށް ވިސްނި ވަޑައިގަތީ ދިވެހި ރާއްޖެފަދަ ކުދަ ގައުމަކަށް ސަލާމަތް ކަން އޮތީ އިނގިރޭސިން ފަދަ ގައުމެއްގެ ހިމާޔަތުގައި ތިބެގެން ކަމުގައެވެ. ނތީޖާ އެއްގެ ގޮތުން ކުރެވި ދިޔަ އެގްރިމެންޓް ނިމި ދިޔައީ އެތައް ދުވަހެއްގެ އަޅު ވެތި ކަމަކުންނެވެ. ދިވަހި ރާއްޖެ އިނގިރޭސިންގެ އަޅުވެތި ކަމުގައި އޮތް ދުވަސް ތަކަށް ވިސްނާލާއިރު އެކަމުން ދިވެހިންނަށް ކުރީ ކޮން ފައިދާ އެއްތޯ ކުރެވޭ ސުވާލުގެ ޖަވާބު ރާއްޖޭގެ އެންމެ ކުޑަ ކުއްޖާވެސް ދޭނެއެވެ.

އެގްރިމެންޓަށް ބަލާއިރު މި އެގްރީމެންޓަކީ މިއަދުގެ ތަހުޒީބު މުޖުތަމަޢެއްގައި ބަޔަކު ހިންގާ އެންމެ ނާ ތަހުޒީބު އަމަލު ކަމުގައި ވެގެން ދާނެއެވެ. މިކަމުގެ ހުރި ގެއްލުމާއި ނުބައި ނަތީޖާ ގައުމުގެ ރައީސް މުޙަންމަދު ނަޝީދަށް ރަނގަޅަށް އެނގިވަޑައި ގަންނަވައެވެ. އެހެނަސް އމަނިކުފާނަށް މަޖުބޫރެވެ. ވެރިކަމުގެ ދަހި ވެތި ކަމުގައި އިންޑިޔާ އަށް ގޮސް ކުރި އާދޭހާ ވެރިކަން ލިބި ވަޑައިގަތުމުން އިންޑިޔާ އަށް ގެންގޮސް ހިއްޕަވަން އެރުވި ސުލާ ޝިރާޒާ ކުރިޔަށް އޮތް ފަސް އަހަރު އިންޑިޔާގެ އެހީގައި ރާއްޖޭގެ ވެރިކަމުގައި ފައި ވިއްދައިގެން ހުރުމުގެ ހުވަފެނާ މިހުރިހާ ކަމެއް އެމަނިކުފާނަށް އެބަ މަޖުބޫރު ކުރުވައެވެ. އެހެނަސް ދިވެހި ރައްޔިތުންނަށް އޮތީ ކޮން މަޖުބޫރެއް ހެއްޔެވެ. މިއަދުވެސް ނަޝީދު ވެރިކަމުން ބޭލުމުގެ ބާރު ރައްޔިތުންނަށް ލިބިގެން ވެއެވެ. އެކަމަކު މިބާރުގެބޭނުން ހިފާހާ ހިތްވަރު އަހަރެމެންގެ ކިބައިގައި އެބަހުރި ބާވައެވެ.

އެނގޭ ކަމަކީ ދިވެހި ރާއްޖޭގެ ވާހަކަ އެނގެން ފެށީއްސުރެ ދިވެހި ގައުމު ދުވަހަކު ވެސް ނުވާފަދަ އަޅުވެތިކަމެއްގެ ތެރެއަށް ދިވެހިން ވަދެގެން ދާން ދެން އޮތީ މަދު ދުވަސް ކޮޅެއް ކަމެވެ. ތާރީޚުގައި ދިވެހި ދަރިޔަކު ގައުމަށް ނުވާފަދަ ޚިޔާނާތް ކެނެރީގޭ ނަޝީދު ގައުމުގެ ރައީސަކަށް ހުންނަވައިގެން ވެވަޑައިގަންނަވަމުން އެގެންދަވަނީ ކަމެވެ. މި ޚިޔާނާތުގައި ގައުމީ ރޫހޭ މިނިވަން ކަމުގެ އުހަލޭ ކިޔައި ދިވެހިންގެ ތެރޭގައި އަޑުއުފުއްލަވަމުން ވަޑައިގެންނެވި މުހަންމަދު އަމީނުގެ ކާފަދަރި އަމީނު ފައިސަލް ވަރަށް ކެރި ހުރެގެން ބައިވެރިވެ ވަޑައިގަންނަވާ ކަމެވެ. މިޚިޔާނަތުގެ މައްސަލައިގައި ނަޝީދަށް އިނގިލި ދިއްލުރެވޭ އިރު ދިވެހި ރާއްޖޭގެ ވެރިކަމުގެ ދަހިވެތިކަމުގައި ނަޝީދަށް ވެރިކަން ހޯދައިދޭން މަރުފަލި ޖަހައި އެކަމަށް ފަޚުރުވެރިވާ މާލޭގެ ދެތިން ޢާއިލާ އެއްގެ މެންބަރުން ވެސް މިކަމަށް ޒިންމާ ވަން ޖެހޭނެއެވެ.

 

  

 

 

 

 

ޢަބްދުﷲ ސަމީރު

ނޯޓް މިވަހަކަޔަކީ ޚިޔާލީ ވާހަކައެވެ. ވާހައިގެ އެއްވެސް ޝަޚުސިއްޔަތަކީ މިވަގުތު ދުނިޔޭގައި ހުރި ނުވަތަ މަރުވެގޮސްފައިވާ މީހަކަށް ނިސްބަތް ކޮށްފައިވާ ޝަޚުސިއްޔަތެއް ނޫނެވެ. ވާހަކައިގެ އެއްވެސް ހާދިސާ އެއް އެއްވެސް ފަރާތެއްގެ ދިރިއުޅުމަށް ނިސްބަތް ވާ ކަމުގައި ހީވާނަމަ އެއީ ހަމަ އިއްތިފާގެވެ. މިވާހަކައިގެ ކޮޕީރައިޓަކީ ލިޔުންތެރިޔާގެ ހައްގެކެވެ. ޝުކުރިއްޔާ

*************************************************

ހަވީރުގެ އެންމެ ފިނި ވަގުތު ކޮޅު އުދަރެހާ ދިމާއިން ވިލާތައް ވިރުވާއަޅަމުން ކަނޑުގެ ސަޠަހަޔަށް ތިރިވެގެން ދާއިރާއެކު ނިމިގެންދަނީ ދުވާލެއްގެ ހަލަބޮލި ކަމެވެ. މަރުހަބާ ކިޔަނީ ހިމޭން ރޭގަނޑަކަށެވެ. ހަމަހިމޭން ކަމުގެ އަގަކަށް ގުރުބާން ކޮށްލަން ޖެހުނީ  އިންސާނުންގެ ރޫހަށް ހަލަބޮލިކަމާއި މުރާލި ކަން ގެނެސް ދިން ހޫނުކަމެވެ. އެ އަލީގައި ކޮޅު ކޮޅަށް ހޭލަ މޭލަވި އިރުގެ އަލިކަމެވެ. އެހެނަސް މިއީ ގުދުރަތީ ގާނޫނެވެ. އެއްވެސް ބަދަލަކީ އަގަކާ ނުލާ އަންނާނެ ބަދަލެއް ނޫނެވެ. ބައެއްފަހަރު ހިތާމައެވެ. އަނެއްބައި ފަހަރު އުފަލެވެ. މިއީ ދުނިޔޭގެ ޠަބީއަތެވެ. ތޮށަލި ދުޅަޔަކީ އެއަށް ކިޔަން އެންމެ ރަނގަޅު ނަމެވެ. އިންސާނާޔަކީ ދުނިޔޭގެ މި ސިސްޓަމެޓިކް ގާނޫނުގެ އެންމެ މުހިންމު ބައިވެރިޔާ އެވެ. އެހެންކަމުން އެއިންސާނާގެ ހިތަކީ ވެސް ބަދަލުތަކަށް އެދޭ އެބަދަލު ތައް ދެކެން ބޭނުންވާ ހިތެކެވެ. ގެންނަ ނުވަތަ އަންނަ ބަދަލުގެ ނަތީޖާ ޔާ މެދު ވިސްނާ ލެވޭނީ ގިނަފަހަރަށް މާފަހުންނެވެ. މިއީ ނިކަމެތި އަހަންނަށް ވެސް ހަމަ ވީ ގޮތެވެ.

މައުމޫނާ ޔަކީ އަހަރެން ލޮލުން ބޮލުން އެދިގެން ކައިވެނި ކުރި ހަޔާތުގެ ބައިވެރިޔާ އެވެ. މައިން ބަފައިންނާ ތިމާގެ މީހުންގެ އިތުރު ރައްޓެހިންނާ ގާތް މީހުންވެސް މައުމޫނާޔާ ގަޔާ ވަނީ މާ ބޮޑަކަށެވެ. ޢުމުރުގެ އެހާ ކުރީގައި މިކައިވެނި ވުމުގެ އެންމެ ބޮޑު ސިއްރަކީ އެއީ ކަމުގައި ވެސް ބުނެވިދާނެއެވެ.

މައުމޫނާޔަކީ ދުނިޔެ ރަނގަޅަށް ދެނެހުރި އަންހެނެކެވެ. ޙަގީ ގަތަށް ބުނާ ކަމަށް ވަންޏާ ދެމީހުން ކައިވެނި ކުރިއިރު އަހަންނަށް ލިޔަން ކިޔާކަށް ވެސް ނޭނގެއެވެ. ގޭދޮރުގެ ހާލަތު ހުރި ގޮތް އެންމެ ބޮޑަށް ދެނެވޮޑިގެން ވާނީ ހެއްދެވި ފަރާތެވެ. އެއްފަރާތުން ވަންނަ ކާޅު އަނެއް ފަރާތުން ނިކުމެގެން ދަނީ ހޭވެސް އަހާ ނުލައެވެ. އަހަރެންގެ ސިއަހަތުގެ ވާހަކަ ވެސް ރަނގަޅީ ނުދެއްކިއްޔާއެވެ. ދެއަތަށް ދެނޭވާއަޅައަޅައި ނުހުންނަ ދުވަހެއް މަދުވާނެއެވެ. ބަދިގެގައި ރޯފިލުވާނެއެއްޗެއް ލިބެނީ މަދު ފަހަރަކުއެވެ.

އަހަރެން ހުރީ ކުޑަކޮށް ހިތް ނުތަނަވަސް ވެސް ވެފައެވެ. އެހެންސް މައުމޫނާ ބުނީ އެއިން އެއްވެސް ކަމަކީ އޭނާ އެހާ ކަން ބޮޑުވާ ކަންތަކެއް ނޫން ކަމުގައެވެ. ކޮންމެ ކަމަކަށް ވެސް ހައްލެއް އޮންނަނެޔޭ ބުނަމުން މައުމޫނާ މިސާލު ޖެހީ ކޮންމެ ބައްޔަކަށް ބޭހެއް އޮންނާ ނެޔޭ ބުނަމުންނެވެ. އަހަރެންގެ ހިތަށް އެރިއެވެ. އެބުނާހެން ކޮންމެ ބައްޔަކަށް ފަރުވާ އެއް އޮންނަ ނަމަ އަހަރެން މިއުޅޭ ހާލުގައި ދުވާލަކު ދެއަތަށް ދެނޭވާ އަޅައަޅައި އުޅެން ޖެހުނީސް ހެއްޔެވެ. ކޮންމެއަކަސް އެއީ އަހަންނަށް ނުވިސްނޭ ވާހަކަ އެކެވެ. ހިތަށް އެރިއެވެ. އަޅާ ނުލާނީއެވެ. ހުރިހާ ކަމެއް ވެސް އަންހެނުންގެ އަތް މައްޗަށް ދޫކޮށްލާނީ އެވެ.

ކަންތައް ވީ އަހަރެން ހީ ވެސް ނުކުރާފަދަ ގޮތަކަށެވެ. އެންމެ ފުރަތަމަ ވެސް ދާން ޖެހުނީ އަސާސީ ކުލާހަށެވެ. ކިތަންމެ ލަދު ގަތަސް ފޮތް ބޮނޑި ހިފައިގެން އެ ކުލާހަށް ވެސް ދިޔައީމެވެ.ހާ ށަވިޔަންޏާ ނޫނާ ކިޔާފައި ކިޔަން ފެށި ލަވަޔާ އެކު އަހަރެން ނިންމާލީ އެތަކެއް ފާހަކާ ސަނަދު ތަކެއް ވެސް ހޯދާފައެވެ. ރަށުގައި ހުރި ހެލްތު ވާކަރު ގަތަށް ގެންގޮސްގެން ބޭސް ދީ އަހަރެންގެ ސިއްހަތު އެއިރު ހުރީ މުޅިން ރަނގަޅު ވެފައެވެ. ލިބެމުން ދިޔަތައުލީމާ އެކު ލިބެމުން ދިޔަ ފުރުސަތު ތަކުގައި ހިފައި ކުރެވުނު މަސައްކަތުގެ އެހީގައި އަހަރެމެންގެ ދިރި އުޅުން ދިޔައީ އަޑު ކިޔާފައި ކުރިޔަށެވެ. ގެދޮރުރާނައި ފާޚާނާ ހެދިއްޖެއެވެ. ގޭގައި ކުޑަ ވަރެއްގެ ވިޔަފާރި ގެޔެއް އަޅައިގެން ފެށި ވިޔަފާރިން ވަމުން ދިޔަ ނަފާޔާ އެކު ޖެހިގެން އޮތް ފަޅު ރަށް ގަނެގެން  އެރަށުގައި ރިސޯޓެއް ވެސް ހަދައިފީމެވެ.

އަހަރެމެން ގެ ދިރި އުޅުން ކުރިއަރަމުން ދިޔަގޮތް ފެނިފައި އަވަށްޓެރިން ވެސް ތިބެނީ ހަސަދަ ވެރި ވެފަޔޭ ބުންޏަސް ދޮގަކަށް ނުވާނެއެވެ. އެހާވެސް އުފަލުގައި އަހަރެމެންގެ ދިރިއުޅުން ކުރިޔަށް ދިޔައެވެ.

އަހަރެމެންގެ މި އުފާވެރި ދިރިއުޅުމަށް ހިޔޔަނި އެޅުނީ މަތީ ތައުލީމު ހާސިލު ކުރުމަށް އަހަރެން އިނގިރޭސި ވިލަތަށް ދިޔަ ހިސާބުންނެވެ.

ނަޝީދާޔާ ބައްދަލުވީ އިނގިރޭސި ވިލާތުގެ ލިވަޕޫލުންނެވެ. ދެމީހުންގެ ޚިޔާލު އުޑާ ބިމާހާ ތަފާތުވިޔަސް ނަޝީދާޔަކީ ޗާލާކީ ގޮތެއްހުންނަ މީހެކެވެ. ހިތްކިޔާކަހަލަ މާބޮޑުގޮތެއް ނެތް ކަމުގައިވިޔަސް މައުމޫނާޔާ ބެހޭގޮތުން އޭނަ ދައްކާ ވާހަކަ އެއީ ހަގީގަތޭ ހީވާން ފެށިއެވެ.

ނަޝީދާޔަކީ ޖަލުން ނިކުމެގެން އައި ކުއްޖެއް ކަމުގައި ވިޔަސް އޭނަގެ ބަސްމަގާ ވާހަކަ ހުންނަ ގޮތުން ރައްޓެހިންގެ ތެރެއިން ގިނަބަޔަކު އޭނަގެ ކޮޅަށް ދިޔައީ ލެނބެމުންނެވެ.

އޭނާ އަހަރެންގެ ކައިރީ ބުންޏެވެ. ޒަމާން މިއޮތީ ބަދަލުވެފައެވެ. އަދިވެސް ހަމަ އެ މުސްކުޅިގަނޑާ އިނދެގެން އުޅޭނީ ހެއްޔެވެ. އޭނާގެ ކިބައިގައި ހުރީ ރަނގަޅު ކޮން ސިފައެއް ހެއްޔެވެ. މިޒަމާނުގެ ގޮތަށް ކަމެއް ކޮށް ދޭކަށް އޭނާޔަކަށް ނޭނގޭނެއެވެ. ނިކަން އަހަންނާ އިނދެ ބަލާށެވެ. މިހާރު ތި ކިޔަވަނީ އަމިއްލަޔަށް މަސައްކަތް ކޮށްގެން ނޫންހެއްޔެވެ. އޭރުން ޔުނިވަރސިޓީ އަށް ލޯ ލާރިއެއް ވެސް ދޭކަށް ނުޖެހޭނެއެވެ. ދުނިޔޭގެ ކުރިއަރާފައިވާ ގައުމުތަކުގެ ގިނަ ވެރީންނަކީ އަހަރެން ދަންނަ އަހަންނަށް ހެޔޮ އެދޭ މީހުންނެވެ. މޫނު މަތީގައި ތިހިރަ ތިހިރަ ރޫތައް ފިލުވަން ބޮޓޮކްސް ޖަހާކަށް ރާއްޖެއިން ބޭރަށް ދާކަށް ނުޖެހޭނެ ވާހަކަޔާއި އާއިލާ ބޮޑު ވުމުގެ ސަބަބުން ފުރިފައިވާ ގޭގައި އަލުން ޖާގަ އިތުރު ކުރާނޭ ގޮތް ވެސް އޭނާޔަށް އެނގޭ ކަމުގައި ބުނަމުން ނަޝީދާ ބުނީ  ރާއްޖޭގެ އެތަން މިތާގައި ތިބި އަހަރެންގެ ރައްޓެހިންނާ ބޭނުން އިރަކު ބައްދަލުކޮށް ލެވޭނެ ކަހަލަ ދަތުރު ފަތުރުގެ ވަސީލަތެއްވެސް ހޯދައިދޭނެ ކމުގައެވެ. އަހަރެންގެ ހިތަށް އައީ ހޯވަރ ކްރާފްޓް ގެ މަތިންނެވެ. އެހެނަސް އޭގައި ދަތުރު ކުރާއިރުވެސް ހޮޑުލަވަ ގޮތް ވާހަނދާން ވިއެވެ. އަނެއްކާ އެބުނަނީ ޖޭމްސް ބޮންޑް ގެ ފިލްމެއްގައި ދުއްވަނި ކޮށް ކުރީ ދުވަހަކު ފެނުނު ފަދަ އެއްގަމާ ކަނުގައި ދުއްވޭ ފަދަ ވެހިކަލެއްގެ ވާހަކަ ބާވައޭ ހިތަށް އެރިއެވެ. އޭނާގެ ވާހަކަޔަށް ގެއްލިފައި ހުއްޓާ އެންމެ ފަހުން ބުނެލީ މިހާރު އަހަރެން ގެ ދިރިއުޅުން ބަދަލަކަށް ބޭނުން ވެފައި ވާކަމުގައެވެ.

ބަދަލަކާ ދޭތެރޭ އަހަރެން ވިސްނަން ފެށީ އެހިސާބުންނެވެ.

މިވާހަކަ އަހާފައި މައުމޫނާހުރީ އާޝޯޚުވެފައެވެ. ކިޔާނެ ނުކިޔާނެ އެއްޗެއް ނޭނގި އަނގަ ހުޅުވިފައެވެ. ފާޑު ފާޑުގެ ބަހަނާ ތައް ދެއްކިއެވެ. ދެމީހުން އެކުގައި އުޅެވުނު ހާ ދުވަސްތަކާއި ކުރެވުނު ހިތް ގައިމު ދަތުރު ތަކުގެ މަތިން ވެސް ހަނދާން ކޮށް ދިނެވެ. އެހެނަސް ނަޝީދާގެ ހިތްގައިމު ވާހަކަތަކަށް އެއިރު އަހަންނަށް ހުރެވުނީ މާ ބޮޑަށް ހެއްލެވިފައެވެ. އެންމެ ފަހުން މައުމޫނާ ނަޝީދާ ގާތުން އެދުނީ ދެ އަންބަތް އިންނާށެވެ. ދެމީހުންށް އެއްވަރަކަށް ހުރިހާ ހައްގެއްއޮންނާނެ ކަމަށާއި ބޭނުން ހުރިހާ ކަމެއް ފުރިހަމަ ކޮށްދޭނެ ކަމުގައި ވެސް ބުންޏެވެ. ނަމަވެސް ނަޝީދާ ބުނީ ބަތްތަށީގެ އެއް ފަޅިން ކާން ބޭނުން ވާނީ ކާކު ހެއްޔޭ އެވެ. އޭރު ނަޝީދާ ވަނީ ރައްޓެހިންނާ ގާތްތިމާގެ މީހުންނާ ދަރިންގެ ވެސް ރުހުން ހޯދައިފައެވެ. އެހެން ކަމުން ކިތަންމެ ހިތް ބިރު ގަތެއް ކަމަކު ލޯމަރާލައިފައި ވެސް ނަޝީދާ ގާތު އާނއެކޭ ބުނީމެވެ.

ކައިވެނީގެ ރަސްމިއްޔާތު ވަރަށް ވެސް ކުލަގަދައެވެ. ބޭރު ގައުމު ތަކުން ވެސް ރައްޓެހިންނާއި ހެޔޮ އެދޭ މީހުން އައެވެ. މާބޮނޑިތަކާ ހަދިޔާތައް އޮތީ ފުނިޖެހިފައެވެ.

ހަނީ މޫނުގެ ދުވަސް ވަރު ދިޔައީ ވަރަށް ވެސް އުފަލުގައެވެ. ހިތް ނުތަނަވަސްވެ ކަން ބޮޑުވާން ފެށީ ކައިވެނީގެ ކުރިން ދެއްކި ހުވަފެންތައް ބިލާހަކަށް ވެދާނެހެން ހީވާން ފެށި ހިސާބުންނެވެ. ބޮޑު ޢާއިލާ އުލެން އޮތް ގޭގެ ޖާގައިގެ ދަތިކަން ފިލުވައިލާނެ ގޮތަކާ މެދު މިހާރު ނަޝީދާ ދައްކަނީ ބިރުން ފިތް ކަނޑައިގެން ދާ ފަދަ ާވާހަކައެކެވެ. ގޭގެ ރަޖިސްޓަރީ އޭނަޔަށް ދޭން ވީއެވެ.އެއިރުން ބުރި ބުރިޔަށް އެތާނގައި ޢިމާރާތެއް ހަދާނެ ވާހަކަ ބުނެއެވެ. އހެނަސް އެފަދަ މޮޔަކަމެއް ކުރާކަށް ހިތެއް ނެދެއެވެ. ކަން މިހިސާބުގައި އޮތްވާ މިހާރު އެބުނަނީ ބައެއް ކުދިން ގެއިން ބޭރު ކޮށްލާ ވާހަކަ އެވެ. އަނެއްބައިކުދިންގެ ޕޮކެޓް މަނީ ކޮޅުން ބައެއް ކަނޑާލާ ވާހަކައެވެ. ދަތުރު ފަތުރުގެ ވަހަޔާ މެދު އަދި އޮތީ މާ މޮޅު ހައްލެކެވެ. ޖެމްސް ބޮންޑްގެ ފިލްމުގައި ގެންގުޅޭ ކަހަލަ އުޅަނދެއް ލިބޭނެ ކަމަށް ހުއްޓާ އެންމެ ފަހުން ލިބުނީ ކުޑަކުޑަ ބޮއްކުރައެކެވެ. އެވެސް ފަންސާސް އަހަރަށް ކުއްޔަށް ހިފާފައެވެ.

ހިތަށް އަރައެވެ. ދިރި އުޅުމަށް މިގެނެވުނީ ކޮންފަދަ ބަދަލެއް ބާވައެވެ. ތިރީސް އަހަރު ވަންދެން ލޯބިން ގެނގުޅުނު އަނބި މީހާ ދުކޮށް ލައިފައި ޒަމާނީ ހެޔޮ ބަދަލަކަށް ބޭނުން ވެގެން ގެނައި ބަދަލުގެ އަގަކީ މިއީ ބާވައެވެ. އެންމެ 8 މަސް ދުވަހުގެ ތެރޭގައި މިއަދު މިވަނީ އަތްމަތި ހުސްވެ ބިކަ ވެފައެވެ. ވާނެ ކަމަށް ދެއްކި އެއްވެސް ހުވަފެނަކުން ފާޅުވި ކުލައެއް ނެތެވެ. ތިރީސް އަހަރަށް ފަހު ގެނައި ހެޔޮ ބަދަލުގެ އަގަކީ މިއީ ކަމުގައި ވާނަމަ މިއަގު ދައްކަން ކުޅދާނަ ވާނީ ކިހާ ދުވަހަކަށް ބާވައެވެ.  

 

 

މަގުމަތިން އިވެމުން ދިޔަ އަޑުފަށް ގަނޑެއްގެ ތެރެއިން އިވެމުން ދިޔަ އެއް އަޑަކީ “ނާސިރަށް ބޮޑު ބޮޅެކޭ ނާސިރަށް” މި އަންބާ އެވެ. ގޭގެ ފެންޑާގައި ހުރެ މަގު މައްޗާ ދިމާޔަށް ބަލައިލީމެވެ. ބޮޑު ގާޑިޔާ އެއްގައި ނާސިރު ސިފަކޮށް ދޭ ގޮތަށް މީހަކު ހެދުން އަޅުވައިގެން އޭނަޔަށް ތަޅާ އަދަބު ދޭކަމުގައި ދޭހަވާ ކަހަލަ ރޯލް ޕލޭއެއް ކުޅެމުން މަގުމަތިން މަޑުމަޑުން ދިޔަ ގާޑިޔަލެކެވެ. ގާޑިޔާގެ ވަށައިގެން އެކި ފުރާގެ މީހުން ޖަމާވެ ތިބެގެން ކުރިން ބުނި ފަދަ އަންބާކިޔަމުން މަޑު މަޑުން އޮވެ ދެއެވެ. ކިތަންމެ ދާހިތް ވިޔަސް ބައްޕަ ފެންޑާގެ އުނދޯލީގައި އަވަށްޓެރިޔަކާ ވާހަކަ ދައްކަން ހުރުމުން ނުކުމެގެން ގާޑީޔާ ކައިރިޔަކަށް ދާކަށް ނުކެރުނެވެ. އެވަގުތު ބައްޕަ ޖެހިގެން ހުރި މީހާ ގާތުގައި ބުނެލިއެވެ.

“ދުނިޔެގައި ތިބި ބަޔަކަށް ތީގެ އަނެއްކޮޅު އަދި ފެންނާނެއެވެ.” އެއީ ނާސިރަށް ނިސްބަތް ކޮށް މީހުން ގޮވަމުން ދިޔަ އެއްޗެއްސާ ބެހޭ ގޮތުން  ބުނި އެއްޗެއް ކަން އެނގޭތީ އަހަރެން ހުރީ ހިތް ހަމަ ނުޖެހިފައެވެ. ހިތަށް އެރިއެވެ. ރާއްޖެ ބަނޑުއަޅާލައިގެން ދިޔަ މީހަކަށް މަދަހަ ކިޔާނެ ދުވަހެއް އަންނާނެ ކަމަށް ބައްޕަޔަށް ހީވަނީ ހެއްޔެވެ.

“އިހަކަށް ދުވަހު އަމީނު ދީދީޔަށް ހެދި ގޮތް ވެސް އަހަރެމެން ދުށީމެވެ. މިއަދު އެވަރުގެ މީހަކު ނެތެވެ.” ބައްޕަގެ ވާހަކަޔަށް އިތުރު ހެކި ދެއްކުމުގެ ގޮތުން މިބުނި ޖުމްލަޔަކީޖެހިގެން ހުރިމީހާވެސް އެޔަށް ސަޕޯޓް ކުރި ވާހަކައެކެވެ. އެވާހަކަ އަހަން އަހަންނަށް އެހާ ފަސޭހަ ނުވީ ނާސިރުގެ އަނިޔާ ވެރި ކަމާ ރާއްޖެޔަށް ވެފައި ވާ ޚިޔާނަތުގެ ވާހަކަ އަބަދު ރޭޑިޔޯއިން އިވި އެކަން އަހަންނަށް ގަބޫލުކުރެވިފައި ވާތީއެވެ.

އެއިގެ އަހަރު ތަކެއް ފަހެވެ. ދިވެހި ރާއްޖެގެ ރައީސުލް ޖުމުހޫރިއްޔާ މިނިވަންދުވަހު ގައުމާ މުޚާތަބު ކުރައްވާ އެވިދާޅުވީ ދިވެހި ގައުމުގެ މިނިވަން ކަމުގެ ބާނީއަކީ ނާސިރު ކަމަށާއި ނާސިރާ މެދު ކަން ތައް ވެފައި ވަނީ ވަރަށް އިހާނެތި ކޮށް ކަމުގައެވެ.ސަރުކާރަށް ތާއީދު ކުރާ ގިނަބަޔަކު ދެކޭ ގޮތުގައި މައުމޫނުގެ ސަރުކާރުން ނާސިރަށް ފުރައްސާރަ ކޮށް ގައުމުން ބޭރު ކޮށްލީއެވެ. އަދި އެނބުރި ރާއްޖެ އާދެވޭނެ މަގު ބަންދު ކުރީއެވެ.

ހަމަ މިޔާ އެކު އެކީ ހެން ރައީސުލް ޖުމްހޫރިއްޔާގެ ދޫފުޅުން ނިކުންނަ އަޑު އިވެނީ ގައުމުގެ ޚިޔާނާތްތެރީންނަށް އަދަބު ދެއްވާނެ ވާހަކަޔާއި އެމީހުނަށް ބާރު ދައްކަވާލައްވާނެ ކަމުގައެވެ. މައުމޫނަށް ނިސްބަތް ކުރައްވައި ވިދާޅުވަނީ އެމަނިކުފާނު ރަނގަޅަށް “ސައިޒަށް ތިރިކުރައްވާނެ” ކަމުގައެވެ. މި އަޑުތަކަށް ކަންފަތް ސީދާކޮށްލައިފައި ފުންކޮށް ވިސްނާލުމުން ހިތަށް ވަންނަނީ ކުރީދުވްހު ބައްޕަ ބުނި ބަހެވެ. ދިރި ތިބި ބަޔަކަށް މީގެ އަނެއް ކޮޅު ވެސަ ފެންނާނެއެވެ.

ތެދެކެވެ. ނާސިރަށް ސަޕޯޓް ކޮށް މަދަހަ ކިޔާ އަޑު އިވޭކަށް ބައްޕައެއް މިދަކު ދުނިޔޭގައެއް ނެތެވެ. އެ އަޑު އިވެނީ އަހަރެމެންނަށެވެ. ހިތަށް އަރަނީ މީގެ އަނެއް ކޮޅު ފެންނާނީ އަހެރެންގެ ދަރީންނަށް ބާވައެވެ. އެދުވަހަކުން މިއަދުގެ ރައީސް ނަޝީދަށް ރައްދު ކުރެވޭނީ ކޮންފަދަ ބަސްތަކެއް ކަމެއް ޚިޔާލު ކޮށްލަން ނޭނގުނަސް އެނގޭ ހަގީގަތަކީ ދިވެހިންނަށް އަލަށް ލިބުނު ޑިމޮކްރެޓިކް ނިޒާމާ އެކު ކުރިން ކުރި ހުރިހާ ދޯދިޔާ ކަންތައް ހުއްޓާ ލަން ޖެހޭނެ ކަމެވެ.    ދިވެހިން ބަދަލެއް ގެނައީ ކުރިން އޮތް ނިޒާމު ކަމުނުދާތީއެވެ. ސުވާލަކީ އެކަން ދެނެގަންނަން މިއަދުގެ ސަރުކާރަށް ކިހާ ދުވަހެއް ނަގާނެ ބާވައެވެ. ނުވަތަ ނޭނގޭމީހަކަށް ހަމަނޭނގޭނީ ބާވައެވެ.

ދިވެހި ރާއްޖޭގެ 45 ވަނަ މިނިވަން ދުވަސް މިއަދު ފާހަގަ ކުރަމުން ދާއިރު މިއަދު ގައުމު މިވަނީ ގައުމުގެ ޙަޔާތުގެ ވަރަށް ބޮޑު ބަދަލަކާ ކުރިމަތިލައި ފައެވެ. ދިވެހި ރާއްޖެއަށް ފުރިހަމަ ޑިމޮކްރަސީ އެއް ލިބި، އެ ޑިމޮކްރްސީ އިން ލިބުނު ބާރުގައި އަނެއް ރާއްޖޭގެ ނަމުގައި ވެރިކަމެއް ފެށިތާ އަދި ކިރިޔާ މިވީ ހައެއްކަ މަސް ދުވަހެވެ. މިނިވަން ދުވަހުގެ ބާނީ ކަމުގައިވާ ކުރީގެ ރައީސް އިބުރާހިމް ނާސިރު ދުނިޔެ ދުކުރައްވައި ދެމިއޮތުމުގެ އާލަމަށް ދަތުރު ކުރެއްވިތާ ވެސް މިވީ ހަމަ އެހާކަށް ހާ ދުވަހެވެ. އެހެން ކަމުން ފާއިތުވެ ހައެއްކަމަސް ދުވަހުގެ ތެރޭގައި މިނިވަން ދިވެހި ރާއްޖޭގެ ނާ ކުރިޔަށް މިސްރާބަކާ މެދު ފުން ކޮށް ވިސްނާ ފިކުރު ކޮށްލުމަކީ ކޮންމެހެން ކުރަން ވީ ކަމެއް ކަމުގައި ފެނެއެވެ.

ސާޅީސް ހަތަރު އަހަރު ކުރިން ދިވެހިން ބޭނުން ވީ ގައުމު ބޭރުގެ ނުފޫޒުން މިނިވަން ވާށެވެ. ޚާއްސަކޮށް ދިވެހިންނަށް އެއްވެސް ފައިދާއެއް ނެތް ގޮތަށް އިނގިރޭސިންގެ ފަރާތުން ލިބިފައި އޮތް ހިމާޔަތަކީ އެއީ އެއްވެސް ބޭނުމެއް ނެތް ހިމާޔަތެއް ކަމަށް އެއިރުގެ ދިވެހި ރާއްޖޭގެ އިސް ލީޑަރުންނަށް ފެނުނެވެ. ނަތީޖާއެއްގެ ގޮތުން ނުހަނު ހިކުމަތްތެރި ަމާއެކު މަސައްކަތް ކުރައްވައިގެން އިނގިރޭސީންގެ އަތް ދަށުން ދިވެހި ގައުމު މިނިވަން ކޮށް ދެއްވީ ސުމުއްވުލް އަމީރު އިބުރާހިމް ނާސިރެވެ. އެމަނިކުފާނުގެ ފުރާނަ ފުޅަށް ދުވަރުގޭގެ އަރާމުކަން މިން ވަރު ކުރައްވާށިއެވެ.

މީގެ 44 އަހަރު ކުރިން ދިވެހި ރާއްޖެއަށް އިނގިރޭސިންގެ އަތްދަށުން މިނިވަން ކަން ލިބުނު ކަމުގައި ވިޔަސް ރާއްޖޭގެ މިޒަމާނުގެ ޖީލު ގަބޫލު ކުރާގޮތުގައި ދާދި ފަހަކާ ޖެހެންދެން ދިވެހިންނަށް ހަގީގީ މިނިވަން ކަމެއް ނުލިބެއެވެ. ހަގީގީ މިނިވަން ކަން ހޯދުމަށް ފެށި ދަތުރުގައި ދިވެހިން ނަށް ވަނީ ވަރަށް ބޮޑު ކާމިޔާބަކާ ހަމަޔަށް ވާސިލު ވެފައެވެ. އެގޮތުން ފާއިތުވި އަހަރު ނޮވެންބަރު 11 ވަނަ ދުވަހު އަލަށް ހުވައި ކުރި  ސަރުކާރާއެކު ދިވެހިންނަށް ވަނީ ޑިމޮކްރަސީގެ ނަމުގައި ދުނިޔޭގައި އޮތް އެންމެ މިނިވަން ކަމަށް ދައުވާކުރާ ހިންގުމުގެ ނިޒާމުގެ ތެރެއަށް ވަދެވިފައެވެ.

ގައުމަށް ގެނެވުނު ޑިމޮކްރަސީގެ އާ ނިޒާމާ އެކު މިނިވަން ކަމުގެ އާރޯޅިޔެއް ފަޒާގައި ވަނީ ފެތުރިފައެވެ. ގާނޫނުން ހިމާޔަތް ލިބިގެން އެކަކު އަނެކަކުގެ އަގު ވައްޓާލުމާ އަގު އެރުވުމާ، ހަމަ އެގާނޫނުގެ ދަށުން ކުށެއް ނެތް މީހުން ކުށްވެރި ކުރުމާ ބޮޑެތި ކުށް ވެރިން މިނިވަން ކުރުން ފަދަ މިނވަން ކަމުގެ ސިފަތައް ދިވެހި ގައުމުންވެސް ވަނީ ފެންނަން ފަށާފައެވެ. އެއްބަޔަކު ކުރީގެ ސަރުކާރާ މިހާރުގެ ސަރުކާރުގެ ކޯޅުމުގައި ޣާފިލު ވެފައިވާއިރު އަނެއް ބަޔަކު ދަނީ އެމީހުނަށް ލިބުނު މިނިވަން ކަމުގެ ބޭނުން އޭގެ އެންމެ ފުރިހަމަޔަށް ކުރަމުންނެވެ. މިގޮތުން ހައްދު ޖެހުމަކީ އިންސާނިއްޔަތާ ޚިލާފު ބޯދާ ކަމެއް ކަމަށް ބުނެ އިސްލާމް ދީނަށް ފުރައްސާރަކުރާއިރު އެއީވެސް މިއަދުގެ ޑިމޮކްރަސީގެ ހަމަތަކުން ލިބިގެންދާ މިނިވަން ކަން ކަމުގައި ބަލަން މިވަނީ ޖެހިފައެވެ. އަނެއްބަޔަކު އެއްޖިންސުގެ މީހުންށް އެކުގައި އުޅެވެން ޖެހޭނެ ކަމަށް ދައުވާކޮށް އަޑު އުފުލަމުން ދާއިރު އެންމެ އަވައްޓެރި އިންޑިޔާގައި އިހަކަށް ދުވަހުނ ފާސްވިފަދަ ގާނޫނެއް ދިވެހި ރާއްޖޭގައި ފާސް ކުރުމަށް ގޮވައިލާނެ ކަމުގެ ބިރުވެސް މިއަދު މިއޮތީ ބޯމަތި ވެފައެވެ. އެފަދަ ހާލަތަކަށް ގައުމު ދިޔަޔަސް ޑިމޮކްރަސީގެ ރީތި ފޭރާމުގެ ތެރެއިން ލިބޭ މިނިވަން ކަމާއި އިންސާނީ ހައްގުގެ އެހީގައި ހެދޭނެ ގޮތެއް އޮތް ކަމަކަށް ވެސް ނުފެނެއެވެ.

އެހެން ކަމުން ދިވެހިން މިވަނީ މިނިވަން ކަމުގެ އާ މަރުހަލާޔަކަށް ދެވިފައި ކަމުގައި ވިސްނަން ޖެހެއެވެ. ސުވާލު އުފެދެނީ މީގެ ކުރިން ދިވެހިން އެމީހުންގެ ގައުމީ ތަރިކައެއް ކަމުގައި ދުށް، ބައެއް މައުނަވީ ހަރުމުދަލަށް މިއަދު ލިބިފައިމިވާ މިނިވަން ކަމުގެ ސަބަބުން ވެގެން ދާނެ ގޮތަކާ މެދުގައެވެ.

ދިވެހިން މިނިވަން ކަން ހޯދުމަށް މަޖުބޫރުވީ އިނގިރޭސިންގެ ހިމާޔަތުގެ ދަށުގައި، އެމީހުންގެ ފިއްތުމުގެ ދަށުގައި ނުތިބޭން ކަމުގައި ވިޔަސް، މިއަދު އަޅުގަނޑުމެންގެ ލީޑަރުން ދެކޭ ގޮތުގައި އަޅުގަނޑުމެން ތިބެން ޖެހޭނީ އިނގިރޭސީންގެ ދަށުގައެވެ. ގައުމު ހިންގަން ވާނީ އެމީހުން ބުނާ ގޮތަކަށެވެ. އެހެން ކަމުން އެންމެ ކުދި ކުދި ކަން ކަމުން ފެށިގެން ގޮސް އެންމެ ބޮޑެތި ކަންކަން ނިންމަނީ އެމީހުންގެ މަޝްވަރާޔާ ލަފާގެ ދަށުންނެވެ. ކާބަފައިން ދުށް ގޮތުގައި ދިވެހިންގެ އެންމެ ބޮޑު ރައުސުލް މާލަކީ އިސްލާމް ދީނެވެ. ސަތޭކަ ޕަސެންޓް މުސްލިމު ގއަުމެއްގެ ލަގަބު ދިވެހިންގެ ކޮނޑުގައި އިލިފައި އޮންނަ އޮތުން އެމިހުން ދެކެނީ ފަޚުރެއް ކަމުގައެވެ. އހެނަސް މިއަދު ގައުމުގެ މިސްރާބު ހުރީ އެ ފަޚުރު ހިފެހެއްޓޭ ފަދަ ދިމާޔަކަށް ނޫނެވެ.

އެހެން ކަމުން ސާޅީސް ފަސް ވަނަ މިނިވަން ދުވަސް ފާހަގަ ކުރާއިރު ދިވެހިންނަށް ލިބިގެންވާ މިނިވަން ކަމާ ނުލިބި އޮތް މިނިވަންކަމާ މެދު ފުން ކޮށް ވިސްނާލަން ވަނީ ޖެހިފައެވެ. ދިވެހި ހުރިހާ އަޚުންނާ އުޚުތުންނަށް މިނިވަން ދުވަހުގެ ހެޔޮ އެދުމާއި ތަހުނިޔާ އަރިސް ކުރަމެވެ.