އަހަރެންގެ ވެރިކަމެއްގައި ސަރުކާރުން ވިޔަފަރިޔެއް ނުކުރާނެ: ރައީސް ނަޝީދު،ރިސޯޓް ތައް ތަރައްގީ ކުރާނީ ސަރުކާރާ އަމިއްލަފަރާތަކާ ގުޅިގެން އުފައްދާ ޖޮއިންޓް ވެންޗާ ކުންފުންޏަކުން: މިނިސްޓަރ ސަވާދު

ރާއްޖޭގެ ވެރިކަމާ ހަވާލު ވެ ވަޑައި ގެންނެވުމުގެ ކުރިން ރައީސް ނަޝީދު އެންމެ ހަރު އަޑުފުޅުން ދެއްކެވި އެއް ވާހަކަ ފުޅަކީ އޭރުގެ ސަރުކާރުން ވިޔަފާރި ކުރާ ވާހަކަ އެވެ.  ދިވެހި ރާއްޖެ، އެންމެ އެކަށީގެން ވާ ފެންވަރަށް ތަރައްގީ ނުވެގެން އުޅެނީ ސަރުކާރުން ހުރިހާ ކަމެއް ކުރާތީ ކަމަށް ވިދާޅުވެ، އެމަނިކުފާނުގެ ވެރިކަމެއްގައި ސަރުކާރުން ވިޔަފާރި ކުރުން މުޅިން ހުއްޓަވާ ލައްވަވާނެ ކަމުގައި ވިދާޅުވިއެވެ. އެސްޓީ އޯއާއި ބޭންކް އޮފް މޯލްޑިވްސް އާއި އެނޫން ވެސް އެފަދަ ކުންފުނިތައް ޕްރައިވެޓައިޒް ކުރައްވައި ވިޔަފާރިޔަކީ އަމިއްލަ ފަރާތްތަކުން ކުރާ އެއްޗެއްގެ ގޮތުގައި ދޫކޮށް ލައްވަވާނެ ކަމުގައި ކެންޕޭނު ދުވަސްވަރު އެމަނިކުފާނު ހަރު އަޑުފުޅުން ވިދާޅުވިއެވެ. އެމަނިކުފާނު އޭރު ވިދާޅު ވި ގޮތުންނަމަ ވިޔަފާރި ކުރުމުން އެއްކިބާވެ އެމަނިކުފާނު ސަރުކާރުން ކުޅޭނީ ރެގިޔުލޭޓަރީ ރޯލެކެވ. މިއީ ރިޔާސީ އިންތިޚާބުގައި އެމަނިކުފާނުގެ ކެންޕޭނު ވާހަކަފުޅުތަކުގައި ވަރަށް ގިނައިން ބޭނުން ކުރެއްވެވި ވާހަކަ ފުޅެކެވެ.

އުފާވެރި އާ އަހަރެއް

މީލާދީން ދެހާސް ނުވައެއް ފާއިތުވެ، ދެހާސް ދިހަވަނަ އަހަރަކަށް ދުނިޔެ މަރުހަބާ ކިޔަނީއެވެ. އެކަކު އަނެކަކަށް އެއްބަޔަކު އަނެއްބަޔަކަށް އުފާވެރި ކަމާއި ހިއްހެޔޮ ކަމުގެ ޝުޢޫރުތަކާ އެކު އާއަހަރުގެ ތަހުނިޔާ އާއި މުބާރަކު ބާދު އަރިސް ކުރަނީ އެވެ. މި ފުރުސަތުގައި މި ސައިޓުގެ ކިޔުން ތެރިންނަށް ބާއްޖަވެރި އާ އަހަރަކަށް އެދޭހާލު،ފާއިތު ވެ ދިޔަ ދެހާސް ނުވަ ވަނަ އަހަރު ދިވެހި ރާއްޖޭގެ ސިޔާސީ މަސްރަހުގައި ކުލަ ޖެހެމުން ދިޔަ މަންޒަރު ތަކަށް ކުރު ގޮތަކަށް ބަލައިލާނަމެވެ. ސިޔާސީ ކަންތަކާދޭތެރޭ ވިސްނަން ޖެހޭ ސަބަބަކީ ސިޔާސަތަކީ ނުވަތަ ޕޮލިޓިކްސް އަކީ އެއިގެ އަސަރު ސީދާ އަހަރެމެންގެ ދިރި އުޅުމަށް ކުރާ އެއްޗަކަށް ވާތީ އެވެ. ކޮންމެ އިންސާނަކު ވެސް ބޭނުން ވަނީ ފާގަތި ބާއްޖަ ވެރި ދިރި އުޅުޅުމެއް ހޭދަ ކުރުން ކަމުގައި ވާއިރު އެ ދިރި އުޅުމަށް އެންމެ ބޮޑު އަސަރެއް ފޯރަނީ ސިޔާސީ ފަރާތްތަކުން ނުވަތަތަ ޕޮލިޓީޝަނުންގެ އަމަލު ތަކުން ކަމުގައި ވާކަމީ މިއަދު އަޅުގަނޑުމެން ގަބޫލު ކުރަން ޖެހިފައިވާ ހަގީގަތެކެވެ. ހެނދުނު ތެދުވެ ފާޚާނާޔަށް ވަދެ ދަތް އުނގުޅާލާން ބުރުހުގައި ޖަހާލާ ބޭސް ކޮޅުން ފެށިގެން ގޮސް ކަރަންޓް ބިލަށް ދައްކަން ޖެހޭ ފައިސާ ވެސް ގުޅިފައި ވަނީ މިދެންނެވި ސިޔާ ސަތާ އެވެ. އެހެން ކަމުން އަހަރެމެންގެ ދިރި އުޅުމަށް އެފަދަ ނުފޫޒެއް ފޯރުވާ ސިޔާސީ ފަރާތްތަކުގެ ޢަމަލު ތައް ހުންނަ ގޮތާއި، އެފަރާތް ތަކުން ކުރާ ކަންތައް ބަލައި މުޠާލިޢާ ކުރުމަކީ ކޮންމެހެން ވެސް ކުރަންޖެހޭނޭ ކަމެކެވެ. ރައްކާވެތިބިއްޔާ ދަތުރޭ ބުނާ ފަދައިން އެނގިގެން ތިބިއްޔާ ސަލާމަތް ވެވޭނެ ފުރުސަތު ބޮޑުވާނެ ކަން ގައިމެވެ.

ޕްރޮވިންސް ތަކުގެ މައްސަލައިގައި އިދިކޮޅު ޕާޓީ އަށް ޖެއްސުން ކުރަނީ ގަދަ ބާރުން ރާއްޖޭގެ ވެރިކަން ހިންގުމުގެ ބޭނުމުގައެވެ

 ފާއިތުވި ދެތިން ދުވަހަކު ރާއްޖޭގެ ގިނަ ބަޔެއްގެ ސަމާލުކަން ހުއްޓިފައި ވަނީ ރައްޔިތުންގެ މަޖިލީހުގައި ހިނގަމުންދާ ކޯޅުންގަނޑާދިމާޔަށެވެ. މަޖިލީހުގައި އުފެދިފައިވާ ޚިޔާލު ތަފާތު ވުންތަކަކާހުރެ މަޖިލިސް ކުރިޔަށް ނުގެންދެވިގެން ހުއްޓާލަން ޖެހުމާއި މަޖިލިސް ކުރާ ގޭ ދޮށަށް މީހުން އެއްވެ އަޑުގަދަ ކުރަމުންގެންދާ މަންޒަރަކީ މި ފާއިތުވި ދެތިންދުވަހު ދިވެހި ރާއްޖޭގެ ސިޔާސީ އުދަރެހުގައި ކުލަ ޖެހެމުން ދިޔަ އެންމެ ޚާއްސަ މަންޒަރެވެ. މީގެ އިތުރުން މަޖިލީހުގެ ރައީސް ގެކޮޅު ކާރިޔަށް މީހުން ޖަމާ ވެ އެމނިކުފާނުގެ އާއިލާޔަށް ބިރު ދެއްކުމަކީ ވެސް ހިނގަމުން އަންނަ ކަންތަކުގެ ބައެކެވެ. ވިސްނާބަޔަކު ކުރާނެ ސުވާލަކީ މިހާ ބޮޑު މައްސަލަޔަކަށް މިކަން ދާންޖެހިގެން މިއުޅެނީ ކީއްވެ ބާވައެވެ

ޑޮކްޓަރ ޝަހީދު އެވިދާޅުވާ ބަރޯސާ ވުމުގެ މާނަ ދިވެހިންނަކަށް ނޯޅެއެވެ

 ޓީވީއެމުން ފޮނުވި ޕްރޮގްރާމެއްގައި ވާހަކަ ދައްކަމުން ރާއްޖޭގެ ޚާރިޖީ ވަޒީރު ޑޮކްޓަރ ޝަހީދު ވިދާޅު ވި ކަމުގައި މިއަދު ނޫހުގައި ފަލަ ސުރުޚީ ޖަހާ ލިޔެފައިވާ ގޮތުގައި މިހާރުގެ ސަރުކާރުގެ ވިސްނުމަކީ ބޭރުގެ އެހީ އަށް ބަރޯސާ ވުމެއް ނޫނެވެ.މިހެން ބުނާއިރު އެބުނެވެނީ ވަރަށް އަސަރުގަދަ ފޮނި ޢިބާރަތެއް ކަމުގައި ބަޔަކަށް ހީވި ކަމުގައި ވިޔަސް މި ވާހަކަޔަކީ ޝަހީދު އަލަށް ކެނޑި ފޮންޏެއް ނޫނެވެ. އަދި މި ވާހަކަޔާ ގުޅިގެން ފަހަތަށް އަންނަ ބޭރުގެ އިންވެސްޓްމެންޓް ތައް ގެންއުމުގެ ޚިޔާލާ ވިސްނުމަކީ މިއަދުގެ ސަރުކާރުން އަލަށް ގެންގުޅެން ފެށި ވިސްނުމެއް ވެސް ނޫނެވެ. މާބޯދާ މާމުސްކުޅި ވިސްނުމެކެވެ. ދިވެހި ރާއްޖެޔަށް ވޯރާ ވިޔަފާރި ވެރިން ގެނެވުނީ ވެސް ބޭރުގެ އިންވެސްޓްމެންޓަށް ހިތްވަރުދީ ރާއްޖެއަށް އެގޮތުން ތަނަވަސްކަން ހޯދުމުގެ މަތިވެރި މަގުސަދުގައެވެ. އެހެން ކަމުން އެ ދެއްކެވި ވާހަކަޔަކީ މާބޮޑު އޮށްޓަރު ހުރި ވާހަކައެއް ކަމަށް ދިވެހި ރައްޔިތުން ނުބެލި ކމުގައި ވިޔަސް ޑޮކްޓަރ ޝަހީދު މިގޮތަށް ދައްކާ ވާހަކަ ތަކުގައި ވަރަށް ބޮޑަށް ފޮރުވާފައި އޮންނާނެ ހަގީގަތެއް އޮވެދާނެ ކަމަށް މިއަދުގެ ދިވެހި ޒުވާން ޖީލު ވިސްނައެވެ. އެހެންކަމުން މި ލިޔުމުގައި ގެނެސްދޭނީ ޝަހީދު ދެއްކި ވާހަކަ މިއަދުގެ ސަރުކާރުން މިހާތަނަށް ތަންފީޒު ކުރަމުން އަންނަ ޕޮލިސީ ތަކާ އަޅާކިޔާއިރު ދޭހަވާ މާނަޔާއި އޭގެ ތަފުސީރެވެ. އެގޮތުން މިއަދު ނޫހުގައި ޑޮކްޓަރ ޝަހީދުގެ ޓީވީ އިންޓަވިއާ ހަވާލާދީ ލިޔެފައިވާލިޔުމުގެ ހުރިހާ ބަޔެއް ޝަރަހަ ވަކި ވަކިން ގެނެސް ދޭނަމެވެ

ކުޅުދުއްފުށީ ކައުންސިލަރަކީ މުހަންމަދު ކަލޭފާނެވެ. ސެލިސްބަރީގެ ކައުންސިލަރަކީ ހާޑިންގްހަމެވެ

ސެލިސްބަރީގެ ބޮޑު ފައްޅީ

ދިވެހި ރާއްޖެ ދެކެމުން މިދާ ޑިމޮކްރެޓިކް ބަދަލުތަކުގެ ތެރޭގައި ހިމެނިގެން ސަރުކާރުގެ އޮނިގަނޑުގެ ތެރެޔަށްވަދެގެން ދިޔަ އެއްމަގާމަކީ ކައުންސިލަރުންގެ މަގާމެވެ. ކައުންސިލަރުންނަކީ ރައްޖެތެރޭގެ ހިންގުމުގެ އިދާރީ ބައިތަކުގައި އިސްވެ ހިންގުމާ ހަވާލުވެ ތިއްބަވާ ބޭފުޅުންނެވެ. މިބޭފުޅުންގެ މަގާމަކީ ސިޔާސީމަގާމުތަކެއްގެ ގޮތުގައި ހިމެނިފައި ވާތީ އަލަށް އުފެދުނު ކައުންސިލަރުންގެ މަގާމު ތަކާ އެކު ސަރުކާރުގެ ސިޔާސީ މަގާމުތައް ވަނީ ވަރަށް ބޮޑުތަން އިތުރު ވެގެން ގޮސްފައެވެ. ކައުންސިލަރުންނަކީ އަތޮޅު ތަކާއި ރަށް ރަށުގައި، ސަރުކާރުގެ ޕޮލިސީ ހިންގަން ތިބޭ ބަޔަކަށް ވުމުން މިބައިމީހުންގެ މުސާރަޔަކީ ވެސް ފުދޭވަރެއްގެ ބޮޑު މުސާރައެއް ކަމުގައި ވަނީ ވެފައެވެ. އެހެން ކަމުން ކައުންސިލަރުންނަކީ އަލަށް އުފެދިގެން ދިޔަ ޑިމޮކްރެޓިކް ސަރުކާރުގެ ބަޖެޓުގެ ސިޔާސީ މަގާމުތަކަށް އިތުރުވެގެން ދިޔަ ފުދޭވަރެއްގެ ބޮޑުވެގެންވާ ބަރުދަނަކަށް ވެގެން ދިޔައެވެ. މިހުރިހާ ކަމެއް މިހެން އޮތް ކަމުގައި ވިޔަސް މި މަގާ މު ތަކަކީ ވެސް ދިވެހި ރައްޔިތުން ތަކަކަށް ލިބި ފައިވާ މަގާމު ތަކަކަށް ވެ އެ މީހުނަށް ލިބޭ މުސާރައިން ފައިދާ ކުރާނީ ދިވެހި އާއިލާތަކަކަށް ވުމަކީ ހިތަށް ލިބިގެންދާ ހަމަޖެހުމެކެވެ. ސުވާލު އުފެދެނީ ދިވެހި ރާއްޖޭގެ އަތޮޅުތަކާ ރަށްތައް ހިންގުމަށް އަތޮޅު ކައުންސިލަރުންނާ ރަށު ކައުންސިލަރުން ލާ ފަދައިން ދުނިޔޭގެ އެހެން ގައުމު ތަކުގެ ސިޓީ ތަކާ ސަބާބު ތަކަށް ވެސް ކައުންސިލަރުންލާން ދިވެހި ސަރުކާރަށް ޖެހޭ ހެން ހީވާ ހިސާބަށް ކަންތައް ދިޔުމުންނެވެ. އާނއެކެވެ ހދ. ކުޅުދުއްފުއްޓަށް ކައުންސިލަރަކު ލައިފައި ހުންނަފަދައިން، ނ. ވެލިދުއަށް ކައުންސިލަރަކު ލައިފައި ހުންނަ ފަދައިން އިނގިރޭސި ވިލާތުގެ ސެލިސްބަރީއަށް ދިވެހި ސަރުކާރުގެ ކައުންސިލަރަކު ހުންނަން ޖެހޭތޯއެވެ. މިސުވާލުގެ ޖަވާބު ކޮންމެ ގޮތަކަށް އޮތް ކަމުގައި ވިޔަސް އެނގޭ ހަގީގަތަކީ ކުޅުދުއްފުށީގެ ކައުންސިލަރަކަށް މުހަންމަދު ކަލޭފާނު އައްޔަން ކުރެއްވި ފަރާތުން ސެލިސްބަރީއަށް ކައުންސިލަރެއްގެ މަގާމުގައި ޑޭވިޑް

ރައްޔިތުންގެ ސަރުކާރެއްނަމަ ރައްޔިތުންގެ މުދަލަށް ހިތުހުރި ގޮތެއް ނެހެދޭންވީ ކީއްވެ ހެއްޔެވެ؟

 ފާއިތުވެ ދިޔަ އަހަރު އިނގިރޭސި ވިލާތުގެ މައިގަނޑު އެއް ސިޓީ ކަމުގައިވާ މެންޗެސްޓަރ ގައި ސަރުކާރުން ވަރަށް ބޮޑު މަޝްރޫޢެއް ހިންގަން ހަމަ ޖެހުނެވެ. އެއީ ޝަހަރުގެ ވަކި ހިސާބަކުން ވަކި ގަޑި ގަޑީ ގައި އާދަޔާ ޚިލާފަށް ދުއްވާއެއްޗެތި ގިނަވެ ދަތުރު ފަތުރުކުރުން ދަތިވާ ހިސާބަށް ދިޔުމުން އެކަން ހައްލު ކުރުމަށްޓަކައި ހިންގަން ހަމަ ޖެހުނު މަޝްރޫއެކެވެ. މި މަޝްރޫޢުގައި ވާ ގޮތުން މެންޗެސްޓަރ ގެ ސިޓީ ސެންޓަރާ ގާތުން ކަނޑައެޅޭ ވަކި ހިސާބަކުން އެތެރެޔަށް ވަކި ގަޑި ގަޑިއެއްގައި ވަންނަ ދުއްވާ އެއްޗެތިން ކުޑަ ފީއެއް ނެގޭނެއެވެ. މީގެ ބަދަޅުގައި ޕަބްލިކް ޓްރާންސްޕޯޓް ސިސްޓަމް ސަރުކާރުން ވަރަށް ބޮޑަށް ތަރައްގީ ކޮށްދޭނެއެވެ. މީގެ ތެރޭގައި އިތރުރު ބަސް ދަތުރުގެ ޚިދުމަތާއި އިތުރު ޓްރޭމް ލައިނުތައް އެޅުމާއި ސްކޫލު ބަސް އިތުރު ކޮށް ދިނުން ހިމެނެއެވެ. މިހެން ގޮސް މަލްޓި މިލިޔަން ޕައުންޑު ޕަބްލިކް ޓްރާންސްޕޯޓް ތަރައްގީ ކުރުމަށް ހަމަޖެހްސުމަށް ފަހު ވަކި ހިސާބަކުން ނަގަން ހަމަޖެހުނު ފީ ނެގުމާއި މެދު ގޮތެއް ނިންމުމަކީ ސަރުކާރަށް އަމިއްލަޔަށް ކުރެވޭނެ ކަމަކަށް ނުވިއެވެ. އެހެންކަމުން ޖެހުނީ މެންޗެސްޓަރގެ ރައްޔިތުން މިކަމާމެދު ދެކޭ ގޮތެއް ބެލުމަށް ވޯޓެއް ނަގާށެވެ. އެތަކެއް ދުވަހެއް ވަންދެން ދެފަރާތުން ހޫނު ކެމްޕޭނު ތަކެއް ކުރުމަށްފަހު ނެގުނު ރިފަރެންޑަމުގައި މެންޗެސްޓަރ ރައްޔިތުން ވޯޓް ދިނީ އެ ބޮޑު މަޝްރޫޢު ހިންގަން ނުފެންނަ ކަމަށެވެ. ރައްޔިތުންގެ ކަމަކަށް ވާތީ ރައްޔިތުން ނޫނެކޭ ބުނުމުން ސަރުކާރަށް ޖެހުނީ އެހިސާބުން އެކަން ހުއްޓާލާށެވެ. ސަރުކާރަކީ ރައްޔިތުންގެ ސަރުކާރެއްކަމުގައި ވިޔަސް ރައްޔިތުންނާ ސީދާގުޅޭ ކަންކަމުގައި އިނގިރޭސީން ކަންތައް ކުރާ ގޮތަކީ މިއެވެ

ދިވެހި ސަރުކާރުން ދެކޭ ގޮތުގައި ފުވައްމުލަކަކީ، އެންމެ ރީތި، އެންމެ ތަރައްޤީ، އެންމެ ބޮޑު އެއްރަށް

ރަސްމީ ދަތުރުފުޅެއްގައި ފުވައް މުލަކަށް ވަޑައިގެން ދިވެހި ރާއްޖޭގެ ނާއިބު ރައީސް ވިދާޅު ވިގޮތުގައި ދިވެހި ސަރުކާރުން ފުވައްމުލަކާމެދު ދެކެނީ އެއީ “އެންމެ ރީތި، އެންމެ ތަރައްގީ، އެންމެ ބޮޑު އެއް ރަށު”ގެ ގޮތުގައެވެ. އެމަނިކުފާނު މިހެން ވިދާޅުވީ ރަށުގެ ބައެއް ޖަމްޢިއްޔާ ތަކުގެ އިސް މެންބަރުންނާ އެކު ބޭއްވެވި ބައްދަލު ވުމެއްގައި މެންބަރުން ދެންނެވި ސުވާލެއްގެ ޖަވާބުގައެވެ. ދިވެހި ސަރުކާރުން ފުވައްމުލަކާ ދޭތެރޭ އެގޮތަށް ދުށް ކަމުގައި ވިޔަސް ރަށުގެ ރައްޔިތުން ރަށާ ދޭތެރޭ ދެކޭ ގޮތް މިއާ ވަރަށް ތަފާތެވެ.

 

އަދާލަތު ޕާޓީގެ ދެފުށް ދެގޮތް ސިޔާސަތު: މުނާފިގުންގެ ކިބައިގައި ހުންނަންވާ ހުރިހާ ޝަރުތެއް އެމީހުންގެ ކިބައިގައި އެބަހުރި

ރައީސް މައުމޫނަކީ ކާފިރެކެވެ. ގާނޫނުލް ޢުގޫބާތު ފާސް ކުރުމަށް ރައްޔިތުންގެ މަޖިލީހުގައި މީހަކު އުފުލާ އަތަކުން އެއީ ކާފިރެއްކަން ނުވަތަ މުސްލިމެއް ކަން އެނގޭނެއެވެ.

މިއީ ދިވެހި ރާއްޖޭގެ ސިޔާސީ ޕާޓީތަކުގެ ތެރެއިން އެންމެ އަޑުގަދަ އެއް ޕާޓީގެ ބަސްމަގު ހުންނަ ގޮތެވެ. ހެއްވާ ކަމެކެވެ. މީހަކު މުސްލިމަކަށް ވާގޮތާ ކާފިރު ވާގޮތާ މިއީ ޢާދާލަތު ޕާޓިގެ މީހުން ބޭނުން ގޮތަކަށް ކަނޑަ އަޅަން ﷲ ދޫ ކުރައްވައިފައި އޮތް ކަމެއްހެއްޔެވެ. ނޫނެކެވެ. ދީނީ ނަމެއް ކިޔާފައި ޕާޓި ހެދި ކަމުގައި ވިޔަސް މިވެނި މީހަކީ ކާފިރެކޭ އެވެނި ގޮތަކަށް އަތް އުފުލާލާ މީހަކީ މުސްލިމެއް ނޫނޭ ބުނުމުގެ ޙައްގެއް މިމީހުނަކަށް ލިބިގެނެއްނުވެއެވެ.

އިޒުރޭލާ ސިޔާސީ ގުޅުން ގާއިމު ކުރުމުގެ ކުރިން ދިވެހި ރައްޔިތުންނަށް އޮޅުން ފިލުވައިދެއްވަން ޑޮކްޓަރ ޝަހީދު އިތުރަށް ބޭނުން ފުޅު ވެ ވަޑައި ގަންނަވަނީ ކޮން ކަމެއް؟

ގައި ބާރު ހުރި މީހަކު، މީހަކު ހިފާ ހައްޔަރު ކުރިއެވެ. ގުޑާ ނުލެވޭ ގޮތަށް ހަތަރެސް ފައި ބަނދެފައި ބާއްވާފައި އޭނާޔަށް ބޮޑެތި އަނިޔާ ތައް ކުރިއެވެ. މިހިނދު އަނިޔާ ލިބެމުން ދާ މީހާ އަޑުގެ ކޮޅަށް ރޮއިފައި އާދޭސް ކުރެއެވެ.ހެޔޮ ނުވާނެއެވެ. ތިހެން ނަހަދާށެވެ. އަހަންނަށް އަނިޔާ ނުކުރާށެވެ. ދޫނުކުރި ކަމުގައި ވިޔަސް ތަޅާ ނުމަރާށެވެ.

އިސް ވެ ދެންނެވުނު ދެމީހުންގެ ދެމެދުގައި ގުޅުމެއް ނެތް ހެއްޔެވެ. ނޫނެކެވެ. ދެމީހުންގެ ދެމެދުގައި ގުޅުން އެބައޮތެވެ. ވާހަކަ ވެސް އެބަ ދެކެވެއެވެ. އެކަކު ތަޅާ މަރަނީއެވެ. އަނެކަކު އެ އަނިޔާ ތަކުން މިންޖު ކޮށް ދިނުން އެދި އާދޭސް ކުރަނީއެވެ.

ދާދި ފަހުން ދިވެހި ރާއްޖޭގެ އިއްޒަތްތެރި ރައީސުލް ޖުމުހޫރިއްޔާ، ފަލަސްތީނުގެ ބޮޑު ވަޒީރު މަޙުމޫދު އައްބާސަށް ފޯނު ކުރައްވައި ދެއްކެވި ކަމުގައި އަޑު އަރައިގެން ދިޔަވާހަކައިގެ ތެރޭގައި، ރައީސް ނަޝީދު މަހުމޫދު ޢައްބާސް ކުރެން އެއްސެވި ކަމުގައި ވަނީ ތިމަންނަ އިޒުރޭލުގެ ވެރިންގެ ގާތުގައި ބުނެދޭންވީ ކޮން ވާހަކަ އެއްތޯއެވެ. މަހުމޫދު އައްބާސް ވިދާޅު ވިއެވެ. އިޒުރޭލު މީހުން ގާތު އަހަރެމެންނާ ސުލްހައިގެ ވާހަ ތައް ދައްކަން ފަށާށޭ ބުނެދޭށެވެ.

ކުރީގައި ދެންނެވުނު ހިފާހައްޔަރު ކޮށްފައި ވާމީހާ ރޮއި ރޮއިފައި އަނިޔާ ނުކުރަން އެދޭ އެދުމާ މަހުމޫދު ޢައްބާސް ޢިޒުރޭލުގެ ސަރުކާރުގައި އެދޭ އެދުމުގެ މާކަ ބޮޑު ތަފާތެއެ ނެތެވެ. އެހެނަސް މި އަށް ދިވެހި ރާއްޖޭގެ ރައީސް ދެއްވާ ނަމަކީ ސިޔާސީ ގުޅުމެވެ. ފަލަސްތީނާ އިޒުރޭލާ ދެމެދު ވެސް ސިޔާސީ ގުޅުން އެބަ އޮތޭ އެހެން ކަމުން އަހަރެމެން އިޒުރޭލު އެކަހެރި ކުރުމަކީ ހަމަ ޖެހޭ ކަމެއް ނޫނޭ ރައީސް ނަޝީދު ގެންދަވަނީ ވިދާޅު ވަމުންނެވެ.

ދިވެހި ރާއްޖޭގެ ސްކޫލްތައް ޕްރައިވަޓައިޒް ކުރުން:ދެވަނަބައި

އިންޓަނޭޝަނަލް ސްކޫލް ތައް ހުންނަނީ ކޮން ތާކު؟

ކޮންމެއަކަސް ދިވެހިންނަށް އިންޓަނޭޝަނަލް ސްކޫލު މިވަނީ ވަރަށް މުހިންމު ތަނަކަށް ވެފައެވެ. މިހިސާބުން އުފެދޭ ސުވާލަކީ އިންޓަނޭޝަނަލް ސްކޫލް ދިވެހިންނަށް ދަސްވީ ކޮން ގޮތަކުން ބަވައެވެ. މިސުވާލުގެ ޖަވާބު ވަރަށް ފަސޭހައިން ލިބޭނެއެވެ. އަވަށްޓެރި ސްރީލަންކާޔާއި އިންޑިޔާ އަދި މެލޭޝީޔާގެ އިންޓަނޭޝަނަލް ސްކޫލު ތަކުގައި ދިވެހި ކުދިން ކިޔަވަން ތިބުމަކީ ފަހަކަށް އައިސް ޢާދަޔަކަށް ވަނީ ވެފައެވެ. އެހެންކަމުން ދިވެހިންނަށް އިންޓަނޭޝަނަލް ސްކޫލް ދަސްވެގެން އުޅެނީ އެގައުމު ތަކުން ކަމުގައި ވުމަކީ ވަރަށް ފަސޭހައިން ގަބޫލު ކުރެވިދާނެ ކަމެކެވެ.